Johan Schoeman, beter bekend as Haas Schoeman, was 'n flank van die Westelike Provinsie wat sewe toetse vir die Springbokke gespeel het.
Biografiese agtergrond Haas Schoeman is op 15 Maart 1940 op Prins Albert gebore.
Na hy sy skoolopleiding voltooi het by die Hoër Jongenskool Paarl, spandeer hy twee jaar by die Grootfontein landboukollege buite Middelburg in die Karoo.
Vanaf 1959 tot 1964 studeer hy regte aan die Universiteit van Stellenbosch waar hy 'n LLB-graad verwerf. (Hy het ook later 'n MBA verwerf).
Hy is op 1 Januarie 2006 in Table View oorlede.
Rugbyloopbaan Nadat hy aanvanklik in en uit die eerstespan van die universiteitsklub was (hy moes meeding met losvoorspelers soos Butch Lochner, Dawie Ackermann, James Starke and Ronnie Melck), word hy later 'n gereelde lid van die eerstespan en speel ook vanaf 1962 tot 1965 vir die Westelike Provinsie. Hy het 'n Springbok geword in 1963 toe hy vir die derde toets teen die Wallabies gekies is. In 1965 was hy 'n lid van die Springbokspan onder kapteinskap van Avril Malan wat deur Ierland en Skotland getoer het en daarna 'n lid van die Springboktoerspan na Australië en Nieu-Seeland onder kapteinskap van Dawie de Villiers.
Na sy internasionale loopbaan het hy steeds klubrugby gespeel vir Bellville rugbyklub, asook later vir Wanderers en Diggers in Johannesburg.
Opsomming van toetse Datum Posisie Teenstander Uitslag Stadion Plek 24 Augustus 1963 Flank Australië Verloor 9-11 Ellispark Johannesburg 7 September 1963 Flank Australië Wen 22-6 Boet ErasmusPort Elizabeth 10 April 1965 Flank Ierland Verloor 6-9 Lansdowne Road Dublin 17 April 1965 FlankSkotland Verloor 5-8MurrayfieldEdinburgh19 Junie 1965 Flank Australië Verloor 11-18 Sydney Cricket Ground Sydney31 Julie 1965 Flank Nieu-Seeland Verloor 3-6 Athletic Park Wellington21 Augustus 1965 Flank Nieu-Seeland Verloor 0-13 Carisbrook Dunedin
Eksterne skakels
Kategorie:Geboortes in 1940 Kategorie:Sterftes in 2006} Kategorie:Springbokrugbyspelers Kategorie:Suid-Afrikaanse rugbyspelers