Peter Henry Abrahams OIS (1919–2017) was 'n Suid-Afrikaanse romanskrywer, digter, joernalis en politieke kommentator.HAT Taal-en-feitegids, Pearson, Desember 2013,
Abrahams is op 3 Maart 1919 in Vrededorp naby Johannesburg gebore. Hy was 'n seun van 'n Ethiopiese vader en 'n kleurlingmoeder, Angelina du Plessis. Hy verlaat Suid-Afrika in 1940 en word eers 'n matroos. Daarna gaan werk hy as joernalis in Engeland, waar hy kontak met swart leiers soos Jomo Kenyatta en Kwame N'krumah maak. Hy was 'n mede-organiseerder van die PAC in Manchester in 1946.
Sy romans en kortverhale, onder meer Mine Boy, Dark Testament, The Path of Thunder, A Wreath far Udomo, A Night of Their Own en This Island Now, handel hoofsaaklik oor politieke en maatskaplike kwessies, veral rassisme. Hy het ook memoires, genaamd Tell Freedom, geskryf.
Die boek, The Path of Thunder (1948), is Abrahams se bekendste roman. Dit gaan oor die verbode liefde tussen wit en swart. Die roman is in nagenoeg dertig tale vertaal.
Abrahams het vanaf 1956 in Jamaika gewoon en is op 18 Januarie 2017 daar oorlede.
Werke A black man speaks of freedom (1940), poësie Dark testament (1942), kortverhale Song of the city (1945) Mine boy (1946), roman The path of thunder (1948) Wild conquest (1950) Return to Goli (1953) Tell freedom (1954), outobiografie A wreath for Udomo (1956), roman A night of their own (1965), roman This island now (1966), roman A new creation (1982), roman A view from Coyaba (1985), roman
Sien ook Lys van Suid-Afrikaanse skrywers
Verwysings
Eksterne skakels PETER HENRY ABRAHAMS op ChickenBones: A Journal for Literary & Artistic African-American Themes
Kategorie:Suid-Afrikaanse joernaliste Kategorie:Suid-Afrikaanse skrywers Kategorie:Geboortes in 1919 Kategorie:Sterftes in 2017