John Ndevasia Muafangejo (5 Oktober 1943 – 27 November 1987) was ’n Namibiese kunstenaar wat internasionale roem vir sy houtsneë, etse en linosneë verwerf het. Hy is in Etunda lo Nghade, Angola, gebore en is in Katutura-township in Windhoek oorlede.
Muafangejo het vir 2 jaar opleiding aan die Rorkes Drift-kunssentrum in Natal ontvang en het Suid-Afrika in 1971 op die Sao Paulo-Biënnale verteenwoordig. Hy was 'n grafiese kunstenaar en is veral bekend om sy besonder dekoratiewe linosneë. Diere, godsdiens en Afrika-maskers is temas wat herhaaldelik in sy werk voorkom. Hy het 'n eenvoudige, spontane styl beoefen wat geringe Westerse invloed ondergaan het met outobiografiese elemente. Hy het dikwels op sy kunswerke geskryf om die verhalende aard daarvan te versterk. Sy kuns is ongekunsteld en dikwels 'n bespotting van die intellektualisering van kuns.
Bronnelys Wêreldspektrum, Vol. 20, 6-7,
Eksterne skakels John Muafangejo Art Centre (JMAC)
Kategorie:Geboortes in 1943 Kategorie:Sterftes in 1987 Kategorie:Namibiese kunstenaars