M.S. Burger is ’n Afrikaanse skrywer wat die Jan Rabie-prys met haar skryfwerk verower.
Werk en lewe M.S. Burger bly in Pretoria. Sy het meestersgrade in Sielkunde en Kreatiewe Skryfwerk. In die negentigerjare is sy ’n aktivis vir gay en lesbiër regte. Sy werk in ’n boekwinkel.
Skryfwerk Sy publiseer kortverhale op LitNet, in Tydskrif vir Letterkunde en in die jaarlikse tydskrif Pomp 12, waarna sy debuteer met die kortverhaalbundel “Bloedfamilie”.Bennett, Nini “Rapport” 5 Augustus 2012 Die bundel word hoofsaaklik uit ’n ek-verteller perspektief geskryf,Hambidge, Joan Woorde wat weeg: http://joanhambidge.blogspot.co.za/2013/01/ms-burger-bloedfamilie-2012.html wat ’n outobiografiese illusie by die leser skep.Lategan, Herman “Beeld” 27 Augustus 2012 In die eerste deel van die bundel word die familiegeskiedenis verhaal, waaruit dit blyk dat die familie ’n dig bewaarde geheim het.NB-Uitgewers: http://www.nb.co.za/authors/8130 Die tweede deel behandel seks, geweld en waansin, terwyl die derde deel terugkeer na die familieproblematiek en seksualiteit van die eerste afdelings.Scheffer, Ronel Huisgenoot: http://huisgenoot.com/fokus/boek-bloedfamilie-ms-burger/ Dit is eers met die laaste verhaal en op die laaste bladsy wat die familiegeheim openbaar word. Die skrywer maak gebruik van postmoderne tegnieke, soos om besonderhede te verander aan vorige verhale wat sy geskryf het en sodoende die skryfproses te gebruik as verdediging teen angs en om die verlede te verbeel en kommentaar daarop te lewer. “Woestynwerk” is een van die sterkste verhale in die bundel. Die verteller se vriendin pleeg selfmoord en om hierdie tragiese dood te verwerk, vertrek sy na Namibië en om ’n studie te maak van ekosisteme in die Namib-woestyn. Sy beskryf die natuurlewe op digterlike wyse en kombineer dit met terugflitse van die oorledene, om sodoende ’n liriese en diggeweefde teks te skep. In “Wildekus” en “Bloedfamilie” word die veertien verhale in die bundel tematies tot ’n eenheid gebind. Die verhale maak mildelik gebruik van kru taal en eksplisiete verwysings na gewelddadige seks wat die familiekonflik en sielkundige probleme ondersteun. Die skrywer sny met hierdie bundel deur die huigelary en emosionele bedrog van die samelewing en veral binne families. “Bloedfamilie” verower in 2013 die Jan Rabie Rapport-prys vir vernuwende werk en is in dieselfde jaar op die kortlys vir die toekenning van die Universiteit van Johannesburg-prys vir debuutwerk.
Publikasies JaarPublikasies2012Bloedfamilie
Bronnelys
Tydskrifte en koerante Anoniem “Wenboek verwikkeld, genuanseerd” “Rapport” 9 Junie 2013
Resensies
Kategorie:Afrikaanse skrywers