Die Dragon Li (Chinees: 狸花猫; Li Hua Mao) is ’n Chinese katras. Die Chinese naam beteken "jakkalsblomkat"Cat Breeds na aanleiding van sy ooreenkoms met die jakkals en die kenmerkende patroon van die pels.
Geskiedenis Daar word geglo Dragon Li's stam van die Chinese bergkat (Felis silvestris bieti) af en dat hulle self mak geword het. Daar is egter geen bewyse daarvoor nie. Dit is ’n skaars spesie, selfs in China self. Die katte is in 2003 die eerste keer as ’n eksperimentele ras in China geskou. In 2010 is dit deur die Cat Fanciers' Association (CFA) in die Gemengde Klas aanvaar.
Beskrywing Die Dragon Li het ’n unieke goudbruin kleur met onderbroke strepe. Dit het groot, ronde, amandelvormige geel of groen oë. Die lyf is stewig en van gemiddelde grootte. Die kat is besonder intelligent en baie bewus van sy omgewing.
Sien ook Lys van katrasse
Verwysings
Eksterne skakels The Messybeast.com Cat Breed List URL besoek op 2012-01.21 Chinese katrasse; blog. URL besoek op 2012-01.21 Wocat breed database URL besoek op 2012-01.21
15px Hierdie artikel is vertaal uit die Engelse Wikipedia
Kategorie:Katrasse