Rush was 'n Kanadese rockgroep wat in Augustus 1968 in Willowdale, Toronto gevorm is. Die groep bestaan uit Geddy Lee (voorsanger, baskitaar en klawerbord), Alex Lifeson (kitaar) en Neil Peart (tromme, liedjieskrywer). Die groeplede het tussen 1968 en 1974 verskeie kere gewissel. In sy huidige vorm bestaan Rush sedert Julie 1974 toe die groep se oorspronklike tromspeler, John Rutsey, kort voor die eerste VSA-toer deur Peart vervang is.
Sedert Rush hulle gelyknamige debuutalbum in Maart 1974 vrygestel het, staan die groep vir hul musikale vernuf, ingewikkelde komposisies en die eklektiese motiewe van hul lirieke bekend wat dikwels deur wetenskapsfiksie, fantasieverhale en filosofiese beskouings geïnspireer is en humanitêre, sosiale, emosionele en omgewingsvraagstukke aanspreek.
Rush se musikale styl het oor die jare verander en was aanvanklik - op hulle eerste langspeler - deur heavy metal en blues geïnspireer. Later is dit deur hard rock, progressiewe rock en 'n periode met uitbundige gebruik van sintetiseerders gekenmerk. 'n Verskeidenheid musikale kunstenaars het na Rush as een van hulle beduidendste musikale invloede verwys, waaronder groepe soos Metallica, Primus en The Smashing Pumpkins en progressiewe metal-groepe soos Dream Theater en Symphony X.
Rush het 'n aantal Juno Awards gewen en is in 1994 in die Kanadese Music Hall of Fame opgeneem. Daarnaas het Rush reeds 24 goue en 14 platinum-albums (waaronder drie multi-platinum-albums) op hul musiekkerfstok. Albumverkope wêreldwyd is op meer as 40 veertig miljoen beraam.
Rush het aangekondig dat hulle sou ophou toer in 2015. Drie jaar later het Lifeson verklaar in Januarie 2018 dat die groep klaar is.
Diskografie 1974: Rush 1975: Fly by Night 1975: Caress of Steel 1976: 2112 1977: A Farewell to Kings 1978: Hemispheres 1980: Permanent Waves 1981: Moving Pictures 1982: Signals 1984: Grace Under Pressure 1985: Power Windows 1987: Hold Your Fire 1989: Presto 1991: Roll the Bones 1993: Counterparts 1996: Test for Echo 2002: Vapor Trails 2007: Snakes & Arrows 2012: Clockwork Angels
Verdere leesstof Birzer, Bradley J. Cultural Repercussions: An In-Depth Examination of the Words, Ideas and Professional Life of Neil Peart, Man of Letters. Wordfire Press, 2015. . Freedman, Robert. Rush: Life, Liberty, and the Pursuit of Excellence. Algora Pub, 2014. . Mobley, Max. Rush FAQ: All That's Left to Know About Rock's Greatest Power Trio. Backbeat Books, 2014. . Popoff, Martin. Rush: Album by Album. Voyageur Press, 2017. . Price, Carol S. and Robert M. Price. Mystic Rhythms: The Philosophical Vision of Rush. Wildside Press, 1999. . Roberto, Leonard. A Simple Kind Mirror: The Lyrical Vision of Rush. Iuniverse Star, 2000. . Telleria, Robert. Rush Tribute: Merely Players. Quarry Press, 2002. .
Biografieë Banasiewicz, Bill. Rush: Visions: The Official Biography. Omnibus Press, 1988. . Collins, Jon. Rush: Chemistry : The Definitive Biography . Helter Skelter Publishing, 2006. (hardcover). Gett, Steve. Rush: Success Under Pressure. Cherry Lane Books, 1984. . Harrigan, Brian. Rush. Omnibus Press, 1982. . Popoff, Martin. Contents Under Pressure: 30 Years of Rush at Home and Away. ECW Press, June 28, 2004. . Popoff, Martin. Rush: The Illustrated History. Voyageur Press, 2013. .
Verwysings
Eksterne skakels
Sien ook Lys van heavy metal-kunstenaars
Kategorie:Kanadese musiekgroepe