---Sidenote START--- Wapen en vlag 100px|Die Sisiliaanse wapen 200px|Die Sisiliaanse vlag Algemene gegewens Volkslied: Madreterra (Sisiliaans vir: "Moederland")Lêer:Inno della Regione Siciliana «Madreterra».ogg Hoofstad: Palermo Amptelike tale: Italiaans en Sisiliaans Administratiewe verdeling: Nege provinsies Oppervlakte: 25 832,39 km² Bevolking: 4 779 371 (2025) Bevolkingsdigtheid: 190/km² Amptelike webwerf: pti.regione.sicilia.it ISO 3166-2: IT-82 President: Renato Schifani (FI) Kaart 300px|Die ligging van Sisilië in Italië
Sisilië (Italiaans: Sicilia, [siˈtʃiːlja], ; Sisiliaans: Sicilia, [sɪˈʃiːlja], , of [sɪˈdʒiːlja]) is 'n eilandgebied van Italië in die Middellandse See en 'n outonome administratiewe gewes van Italië. Die eiland is in Europa in die suidweste van Italië, suidoos van Sardinië en noord van Malta geleë.
duimnael|links|Nasa-satellietbeeld van Sisilië duimnael|links|Kaart van Sisilië Sisilië is die grootste eiland in die Middellandse See. Sisilië het in 2025 'n bevolking van 4 779 371 gehad en beslaan 'n oppervlakte van 25 832 km². Die hoofstad en grootste stad is Palermo. Die amptelike tale is Sisiliaans en Italiaans.
Geografie Die vulkaan Etna is 'n bekende vuurspuwende landmerk op Sisilië. Die Egadi-eilande is net wes van Sisilië.
Vervoer Daar is sowel treinverbindings as motorweë tussen Sisilië en die suidpunt van Italië. Hoewel 'n reuse vervoerbrug reeds sedert 1865 beplan word, word treine en motors steeds op veerbote gelaai om die water na en van die vasteland oor te steek.
Padvervoer In die jongste vier dekades is motorweë dwarsoor die eiland gebou en uitgebrei. Die bekendste van die Sisiliaanse paaie is die autostrada wat langs die noordelike deel van die eiland loop. Groot dele van die motorweg is as gevolg van die bergagtige terrein van die eiland op pilare gebou. Ander hoofweë in Sisilië is die SS.113 Strade Statali wat Trapani met Messina (via Palermo) verbind, die SS.114 Messina-Sirakuse (via Catania) en die SS.115 Sirakuse-Trapani (via Ragusa, Gela en Agrigento).
Spoorvervoer Die eerste spoorlyn in Sisilië is in 1863 tussen Palermo en Bagheria geopen. Vandag word al die Sisiliaanse provinsies tussen die meeste dorpe en stede deur 'n netwerk spoorverbindings bedien deur Trenitalia met mekaar verbind. In Catania is daar sedert 1999 'n Metrotrein wat op 'n deel van die FCE-spoorlyn loop.
Lugvervoer en hawens Daar is lughawens in Catania, Palermo en Trapani.
Ter see word Sisilië deur verskeie veerbootroetes en vraghawens bedien en in alle groot stede dok lynskepe op 'n gereelde basis.
Kuns Van die Sisiliaanse kunstenaars wat daarin geslaag het om 'n taal van sterk burgerlike betrokkenheid na die internasionale verhoog te bring en terselfdertyd die geskiedenis van die eiland te vertel is Mario Bardi, 'n verteenwoordiger van die Eksistensiële realisme. Sy skilderkuns, gekenmerk deur dramatiese tone en 'n voortdurende aandag aan arbeid en sosiale spanninge toon 'n kollektiewe en kragtige uitbeelding van Sisilië.
Fotogalery
Sien ook Sisiliaanse Mafia
Verwysings
Eksterne skakels
Amptelike webwerf van die Outonome Streek Sisilië