duimnael|Katbalkon by die Kasteel duimnael|Cloete-kelder by Groot Constantia
Anton Anreith (11 Junie 1754 – 4 Maart 1822) was 'n Duitsgebore beeldhouer en een van die eerste belangrike beeldhouers wat in Suid-Afrika werksaam was. Hy het in verskeie media gewerk en is veral bekend vir sy houtgekerfde preekstoele.HAT Taal-en-feitegids, Pearson, Desember 2013, Sy houtsnee- en beeldhouwerke word vandag onder Suid-Afrika se kosbaarste kultuurbesittings gereken en toon kenmerkende sierlike lyne uit die barokstyl.
Anreith is in Duitsland gebore en het daar in Freiburg in kuns gestudeer. Hy was ook in diens van die Verenigde Oos-Indiese Kompanjie en is in sy hoedanigheid as soldaat van die VOC in 1777 na die Kaap gestuur. In Suid-Afrika het hy egter sy kunsloopbaan hervat en as skrynwerker begin werk. Van sy eerste opdragte was vir die Lutherse Kerk in Kaapstad, waar hy die houtsnywerk aan die preekstoel, orrelraam en koorlessenaar gedoen het. Die werke het aandag getrek en in 1786 is hy as die VOC se amptelike beeldhouer aangestel.
In diens van die V.O.C. het hy ook verskeie beeldhouwerke vir die Kasteel de Goede Hoop geskep en nou saamgewerk met die beroemde argitek Louis Thibault (Anreith het die versieringswerk aangebring aan geboue wat Thibault ontwerp het). Van sy ander werke sluit in die gewel by die Cloete-wynkelder by Groot Constantia en die preekstoel van die Groote Kerk in Kaapstad.
Fotogalery
Bronnelys Anton Anreith in Wêreldspektrum, volume 2. 1983 Ensiklopedie Afrikana: (EDMS) BPK. C. Bosdari: Anton Anreith. Africa's First Sculptor. Cape Town, A.A. Balkema, 1954 Johannes Meintjes: Anton Anreith. Sculptor 1754–1822. Cape Town, Juta and Co, Cape Town, 1951
Eksterne skakels
Kategorie:Duitse beeldhouers Kategorie:Suid-Afrikaanse beeldhouers Kategorie:Suid-Afrikaanse immigrante uit Duitsland Kategorie:Suid-Afrikaanse Vrymesselaars Kategorie:Geboortes in 1754 Kategorie:Sterftes in 1822