My f*k, Marelize! is ’n 2025 Afrikaanse komedie-drama-rolprent gebaseer op die bekende internet-video van Marelize Horn wat met ’n fiets in ’n rugbydoelpaal vasry. Die rolprent is by die Silwerskerm FilmFees bekendgestel en het op 29 Augustus 2025 in Suid-Afrikaanse en Namibiese rolprenteaters verskyn.
Agtergrond Die titel en verhaal is geïnspireer deur ’n 2019 virale video waarin Heidi Horn, Marelize se ma, uitroep "My f*k, Marelize!" nadat haar dogter op ’n oop veld met ’n fiets in ’n rugbypaal vasgery het. Die frase het vinnig deel van Afrikaanse internetkultuur geword en wêreldwyd aandag gekry.
Die rolprent bou voort op die virale oomblik en fokus op die fiktiewe weergawe van die Horn-gesin. Heidi Horn worstel met ’n kankerdiagnose wat sy probeer wegsteek, terwyl Marelize self probeer leer fietsry sonder om te val. Haar droom is om as ’n au pair na Nederland te gaan, maar sy moet eers wys dat sy onafhanklik kan funksioneer. Die film balanseer humor met temas van gesinsbande, identiteit en aanvaarding.
Rolverdeling Je-ani Swiegelaar as Heidi Horn Zandélle Meyer as Marelize Horn Neels Clasen as Tiaan Horn Nichola Viviers as Wilmari Horn
Vrystelling Die rolprent het sy première by die Silwerskermfees in Kaapstad tussen 20 en 23 Augustus 2025 gehad. Ná die fees is dit vanaf 29 Augustus 2025 landswyd in rolprenteaters in Suid-Afrika en Namibië vertoon.
Verwysings
Kategorie:Afrikaanse rolprente