Die Unie van Suid-Amerikaanse Nasies (Engels: Union of South American Nations, USAN; Nederlands: Unie van Zuid-Amerikaanse Naties, UZAN; Portugees: União de Nações Sul-Americanas, UNASUL; Spaans: Unión de Naciones Suramericanas, UNASUR) is ’n interregeringsorganisasie wat gestig is om die politieke, ekonomiese en kulturele integrasie tussen die Suid-Amerikaanse lande te bevorder. Dit is op 8 Desember 2004 in Cusco, Peru, gestig met die ondertekening van die Cusco-verklaring wat die streeksamewerking tussen die bestaande organisasies Mercosur en die Andesgemeenskap beoog. Die organisasie is sterk bevorder deur die destydse Venezolaanse president Hugo Chávez, wat dit as ’n strategie gesien het om ’n alternatiewe magbasis teenoor die Verenigde State se invloed in Latyns-Amerika te vestig. UNASUR het dus nie net ekonomiese en politieke integrasie beoog nie, maar ook ’n vorm van geopolitieke onafhanklikheid van Washington, D.C.
duimnael|links|Ondertekening van die Konstitusionele Verdrag op 23 Mei 2008 deur Suid-Amerikaanse staatshoofde Die konstituerende verdrag van UNASUR is op 23 Mei 2008 onderteken en het op 11 Maart 2011 in werking getree, waarmee die organisasie formeel gestig is as ’n regspersoon. UNASUR het oorspronklik twaalf lidlande gehad: Argentinië, Bolivië, Brasilië, Chili, Colombia, Ecuador, Guyana, Paraguay, Peru, Suriname, Uruguay en Venezuela. Die organisasie het daarop gemik om ’n Suid-Amerikaanse burgerskap in te stel, demokrasie en menseregte te verdedig, en streeksamewerking op gebiede soos energie, gesondheid, infrastruktuur en verdediging te versterk. Die instelling het bestaan uit ’n beraad van staatshoofde, ’n raad van ministers en ’n sekretariaat wat oorspronklik in Quito, Ecuador, gesetel was.
Sedert 2017 het UNASUR egter verskeie krisisse ervaar weens ideologiese verskille tussen die lidlande. In 2018 het ses lande hul deelname opgeskort, en verskeie, waaronder Colombia, Ecuador en Uruguay, het later formeel uitgetree. Nietemin het in Mei 2023 Brasilië weer by UNASUR aangesluit, wat op ’n poging tot herlewing van die organisasie dui.
Lidlande
Verwysings
Bronnelys Algemeen
Eksterne skakels
Amptelike tuisblad
Kategorie:Internasionale ekonomiese organisasies