Wrong Side of the Tracks (Spaans: Entrevías is 'n Spaanse drama vir televisie wat deur David Bermejo geskep is en op 1 Februarie 2022 op Telecinco begin wys het. Van die belangrikste akteurs is José Coronado, Nona Sobo en Luis Zahera.
Verhaal Storielyn
Die reeks speel af in Entrevías, die armste woonbuurt van Madrid, en volg die verhaal van Tirso Abantos, 'n voormalige militêr wat die eienaar van 'n ysterwarewinkel is. Sy eentonige daaglikse lewe word op sy kop gekeer toe sy rebelse, aangenome tienerkleindogter, Irene, van 'n Viëtnamese agtergrond, en haar kêrel, Nelson, 'n immigrant van Colombia, instem om dwelms vir die dwelmhandelaar Sandro te verkoop. Die jong paartjie het beplan om die dwelms te verkoop en met die geld weg te loop, maar die plan loop verkeerd en sy word gewelddadig verkrag. Tirso werk dan saam met die korrupte polisieman Ezequiel om 'n einde te bring aan die misdadige bedrywighede in die buurt.
Episodes Seisoen Episodes Uitgereik 1 8 2 8 3 8 4 8
Belangrikste karakters José Coronado is Tirso Abantos, 'n afgetrede "oorlogsheld" gedurende Navo se vredesoperasies in Bosnië-Herzegowina. Hy besit 'n ysterwarewinkel en is gefrustreerd met die ongehinderde misdadigheid in sy woonbuurt. Luis Zahera is Ezequiel Fandiño, 'n straatslim polisieman wat vir die polisiehoof, Amanda, vertel nuwe misdaadbase sal altyd in die buurt intrek, terwyl hy in die geheim sy werk vir Sandro gebruik om te keer dat die misdadigheid toeneem. Hy is beskermend teenoor Gladys en Nelson. Nona Sobo is Irene Sánchez Abantos, Tirso se 17-jarige aangenome, Viëtnamese kleindogter wat 'n kilogram heroïen van Sandro steel. Felipe Londoño is Nelson Gutiérrez, Irene se Colombiaans gebore kêrel. Laura Ramos is Gladys, Nelson se Kubaanse ma wat na Spanje gelok is met 'n werkaanbod en toe 'n prostituut geword het. Sy is na aan Ezequiel nadat sy van die mensehandelaars ontsnap het. Manolo Caro is Sanchís, Tirso se dwelmverslaafde vriend en voormalige medesoldaat wat Tirso soms inspan vir sy privaat ondersoeke. Manuel Tallafé is Pepe, Tirso se vriend en voormalige medesoldaat, wat 'n restaurant besit wat Tirso dikwels besoek. Itziar Atienza is Amanda Martos, 'n idealistiese polisiehoof wat nou saam met Ezequiel werk. thumb|170px|links|Natalia Dicenta. María de Nati is Nata, 'n tienervriendin van Nelson wat later 'n dwelmbende lei. Franky Martín is Sandro Salazar Campos, die misdaadbaas in Entrevías. María Molins is Jimena Abantos, Tirso se dogter en Irene se aanneemma. Miguel Angel Jiménez is Santi Abantos, Tirso se seun wat in 'n mededingende winkel werk.
Produksie Entrevías is geskep deur David Bermejo. Dit is 'n medeproduksie van Mediaset España, en die skrywers is Jordi Terradas, Patricia Trueba, Víctor Pedreira en Natxo López.
José Coronado, Luis Zahera, Nona Sobo en Felipe Londoño was van die begin af in die hoofrolle, onderskeidelik as die eienaar van 'n ysterwarewinkel, 'n moreel twyfelagtige polisieman, die winkeleienaar se besoekende kleindogter en haar plaaslike kêrel.
Mediaset España het die begin van die verfilmingswerk op 5 Februarie 2021 aangekondig. In November 2022 is die reeks met 'n derde seisoen verleng, met Natalia Dicenta, Michelle Calvó, Óscar Higares en Álex Medina as bykomende akteurs.
'n Vierde seisoen het in 2024 begin, met die bykomende akteurs Juan Pablo Shuk en Catalina Sopelana. Die reeks is ook op Netflix te sien.
Verwysings
Skakels
Kategorie:Spaanse televisiereekse