Die Independent South African National Civic Organisation (ISANCO) is ‘n organisasie wat hom daaraan toewy om burgersake te organiseer in die gemeenskappe waar die mense van Suid-Afrika woon. ISANCO onder leiding van Dr Zukile Luyenge het as 'n politieke party by die Onafhanklike Verkiesingskommissie van Suid-Afrika geregistreer en het beplan om aan die 2024 algemene verkiesing in Suid-Afrika deel te neem.ISANCO, Tuisblad, https://isanco.africa/ Besoek 14 Mei 2024.
Geskiedenis Die South African National Civics Organisation (SANCO) is 'n sambreel politieke organisasie in Suid-Afrika. Dit is in Maart 1992 gestig om te koördineer tussen bestaande burgerlike organisasies, wat sentraal was in die laaste fases van die stryd teen apartheid. By die stigtingskonferensie was 2 000 organisasies verteenwoordig. In die praktyk het geaffilieerde organisasies 'n groot mate van outonomie behou.. In 2020 is 'n wegbreekgroep onder die naam Independent South African National Civic Organisation (ISANCO) gestig; dit het sy eerste konferensie in 2021 gehou en het as 'n geregistreerde politieke party aan die 2021 munisipale verkiesing deelgeneem.
Op 17 Julie 2023 is die voorverkiesingsooreenkoms genaamd die Veelpartyhandves onderteken tussen ISANCO, die Demokratiese Alliansie (DA), Inkatha-Vryheidsparty (IVP), Vryheidsfront Plus (VF Plus), ActionSA, United Independent Movement (UIM), en Spectrum National Party (SNP).
Op 26 Maart 2024 het die Onafhanklike Verkiesingskommissie die voorlopige kandidaatlyste gepubliseer, met die lys van twee-en-vyftig partye, wat op die nasionale stembrief sou verskyn, en ISANCO was een van die gelyste partye.National Candidates List, Independent Electoral Commission, Retrieved 26 Maart 2024. Die party was egter nie op die finale lys nie. Op 10 April 2024 het die Onafhanklike Verkiesingskommissie die finale kandidatelyste gepubliseer en weer twee-en-vyftig partye gelys met nasionale kompenserende kandidate (teenoor nasionale streek- en provinsiale). ISANCO is weggelaat, terwyl die Africa Restoration Alliance bygevoeg is.National Compensatory - List of Parties - Alphabetic Order, Independent Electoral Commission, Besoek 10 April 2024.
Verwysings
Kategorie:Politieke organisasies in Suid-Afrika