Mookgophong, ook bekend as Naboomspruit, is 'n dorp in die Limpopoprovinsie in die noorde van Suid-Afrika, sowat 40 kilometer suidwes van Mokopane (Potgietersrus) en aan die voet van die Waterberge. Die Afrikaanse naam kom van die nabome (Euphorbia ingens) wat daar groei. Die “na” kom van die Khoikhoiwoord “geknap” wat sterk beteken. (Dit verwys na die sterk sap van die boom). Die dorp is in 2006 hernoem.Old place names
Die spruitgedeelte kom waarskynlik van 'n fonteintjie wat regoor die gholfbaan 'n stroompie gevorm het wanneer dit reën.
Geskiedenis duimnael|links|270px|Die Gereformeerde kerk Naboomspruit. Die eerste mense het reeds in 1859 in die omgewing kom boer. Die boer se naam was Nicolaas Hendrik Johannes Fredrik van Heerden. Hul plaas se naam was Kromkloof. Die eerste skool is in 1908 op hierdie plaas gebou. In 1885 het die Van Zyls op die plaas Vischgat kom bly.Op Pad in Suid-Afrika. B.P.J. Erasmus. 1995 Hierdie warmbron was toe reeds bekend vir sy helende eienskappe.
Naboomspruit is op 8 Junie 1910 gestig nadat die prospekteerder Adolph Erasmus tinneerslae op die plase Doornhoek en Welgevonden ontdek het.
Met die stormloop van fortuinsoekers het binne enkele maande 'n besige myndorpie ontstaan. In 1925 het Erasmus ook platinum op Rietfontein, 'n plaas in die Waterberge, gevind. Naboomspruit het sodoende selfs meer myners gelok, en danksy die vinnige bevolkingsgroei het die dorp in 1938 munisipale status verwerf.
In 1898 is die spoorlyn aangelê van Pretoria tot in Pietersburg. Tydens die Anglo-Boereoorlog van 1899 tot 1902, het die Engelse Naboomspruit se stasie gebruik om voorrade te vervoer van Pretoria na Pietersburg.
Watervoorsiening het van die vroegste tye probleme opgelewer. Die dorp se put oorkant waar die Gereformeerde Kerk vandag is, was die enigste waterbron. Later is die Frikkie Geyserdam gebou.
Ekonomie Vandag word in die distrik gemengde boerdery met veeteelt (beeste), mielies, grondbone en sitrusvrugte bedryf. Die plaaslike mineraalbronne is deur privaat maatskappye as ontspannings- en vakansieoorde ontwikkel.
Sien ook Gereformeerde kerk Naboomspruit Lys van dorpe in Suid-Afrika
Verwysings
Kategorie:Nedersettings in Limpopo