thumb|180px|Die Dwaas van die Rider-Waite-tarotpak. Die Dwaas of Die Gek is een van die 78 kaarte in 'n pak tarotkaarte. In die lees van tarotkaarte in waarsêery is dit een van die 22 kaarte van die Groot Arcana. Dit is soms 0 en soms XXII (die laaste een) gemerk. In pakke kaarte wat vir tradisionele tarotspeletjies bedoel is, is dit egter gewoonlik ongenommer, want dit is nie een van die troefkaarte nie en dien 'n unieke doel.
Ikonografie Die Dwaas se naam in die Tarot van Marseille is Le Mat en in die meeste tarotpakke van Italië Il Matto. Dié argaïese woorde beteken "besetene" of "bedelaar".Talia Felix, "The Cartomancer's Key" Op die vroeëre tarotkaarte is Die Dwaas gewoonlik uitgebeeld as 'n bedelaar of swerwer.Images from the Tarocchi de Mantegna, besoek op 9 April 2008.
In die Visconti-Sforza-tarotpak dra Die Dwaas toiings, en kouse sonder skoene, en hy het 'n stok oor sy rug. Dit lyk of hy vere in sy hare het. 'n Soortgelyke beeld kom voor in die Duitse spel Hofämterspiel; daar word die dwaas of gek (Duits: Narr) uitgebeeld met kaal voete en 'n doedelsak.Hofämterspiel images, Besoek op 9 April 2008.
Op die Tarot van Marseille en verwante pakke word Die Dwaas ook uitgebeeld met wat 'n narrehoed kan wees; hy dra altyd 'n bondel met sy besittings oor sy rug. Dit lyk of hy deur 'n dier weggejaag word, óf 'n kat óf 'n hond. Die dier het sy broek geskeur.Bill Butler, Dictionary of the Tarot. (Schocken, 1975; )
In die Rider-Waite-tarot en ander esoteriese pakke wat vir waarsêery ontwerp is, is Die Dwaas 'n jong man wat onwetend na 'n afgrond loop. In die Rider-Waite-pak het hy ook 'n klein hond by hom. Hy hou 'n wit roos ('n simbool van vryheid of onskuld) in die een hand vas en 'n klein bondel besittings in die ander wat onontginde kollektiewe kennis verteenwoordig.Gray, E. (1960). The tarot revealed: A modern guide to reading the tarot cards. New York, N.Y.: Bell Publishing Company. Die hond verteenwoordig instink wat hom teen gevaar beskerm, terwyl hy nie kyk waar hy loop nie.
Geskiedenis In die pakke kaarte voor Waite-Smith was Die Dwaas feitlik altyd ongenommer, al is daar 'n paar uitsonderings. Die Dwaas is gewoonlik glad nie deel van die reeks troefkaarte nie. Tog is dit soms as die laagste of hoogste troefkaart beskou. Die Groot Arcana word tradisioneel met Romeinse syfers gemerk. Die Dwaas is gewoonlik 0, 'n Arabiese syfer.
Die Dwaas is dalk 'n voorloper van die Joker in ander speelkaarte.
Voorbeelde
Verwysings
Skakels
Kategorie:Groot Arcana