Marrakesj Menara-lughawe (Berbers: ⴰⵣⴰⴳⵯⵣ ⵎⵕⵕⴰⴽⵛ ⵎⵉⵏⴰⵕⴰ, , ), (IATA: RAK – ICAO: GMMX) is 'n internasionale lughawe wat Marrakesj,Airport information for GMMX van DAFIF (effektief Oktober 2006) die hoofstad van die Marrakesj-Safi- streek in Marokko, bedien. Dit is 'n internasionale fasiliteit wat verskeie Europese vlugte ontvang, asook vlugte van Casablanca en sommige van die Arabiese state. Die lughawe het in 2019 meer as 6,3 miljoen passasiers bedien.
Geskiedenis Tydens die Tweede Wêreldoorlog is die lughawe deur die lugvervoerkommando van die United States Army Air Forces gebruik as 'n spilpunt vir vrag, vervoervliegtuie en personeel. Dit het as 'n oornagplek gedien op pad na die Casablanca-vliegveld of na die Agadir-Al Massira-lughawe op die Noord-Afrikaanse Kaïro-Dakar-vervoerroete vir vrag-, transitovliegtuie en personeel. duimnael|Inboeksaal duimnael|Uitsig oor die parkeerblad
Terminale Menara-lughawe het twee passasiersterminale wat in een groot gebou gehuisves word. 'n Derde terminaal is gebou. Die bestaande T1/T2 bied 'n ruimte van 42 000 m2 en het 'n ontwerpte kapasiteit van 9 miljoen passasiers/jaar. Die aparte vragterminaal het 340 m2 onderdakruimte.ONDA Website: Presentation RAK, besoek 10 Junie 2012 Die lugterminale (1 en 2) is 22 000 m2 groot en ontwerp om 2 500 000 passasiers per jaar te hanteer. Menara is een van ses lughawens in Marokko waar ONDA sy spesiale BBP-diens "Salon Convives de Marque" aanbied.ONDA website on the VIP service, besoek 17 Maart 2012
Aanloopbaan en peron Vliegtuigparkeerplek van 125 000 m2 ondersteun tot veertien Boeing 737's en vier Boeing 747's. Die geplaveide aanloopbaan is uitgelê in die rigting 10/28 en is 3 100 x 45 m groot. Dit kan alle moderne straalvliegtuie tot en met die Boeing 747 in grootte hanteer. Die lughawe is toegerus met 'n ILS Cat II- landingstelsel en bied die volgende radionavigasiehulpmiddels: VOR – DME – NDB.
Landvervoer Die Spaanse busmaatskappy Alsa bedryf gereelde Roete 19-busse elke dag tussen Marrakesj Menara-lughawe en beide die medina en die nuwe dorp.
Verwysings
Kategorie:Lughawens in Afrika