Selma Vaz Dias, ook bekend as Selma Cohen-Vaz Dias (23 November 1911 – 30 Augustus 1977), was 'n Britse aktrise, skryfster en skilderes. Dias is gebore in Amsterdam as die dogter van Jacob Vaz Dias en Hana Hamburger. Sy het 'n broer genaamd Salomon gehad. Sy het na die Verenigde Koninkryk verhuis, waar sy die grootste deel van haar loopbaan woonagtig was.
Sy het rolle vertolk in van die bekendste Britse regisseurs se rolprente, insluitende Alfred Hitchcock se The Lady Vanishes (1938) en Michael Powell en Emeric Pressburger se One of Our Aircraft Is Missing (1942). Sy het ook verskyn in Ernest Morris se The Tell-Tale Heart (1960).
Die skryfster Jean Rhys het vir Dias geprys as die persoon wat haar literêre neigings weer aangewakker het. Rhys het kort na die publikasie van haar roman Good Morning, Midnight in 1939 uit die openbare oog verdwyn en in vergetenheid verval. Toe Dias in 1949 die roman verwerk het vir die teater, het Rhys gesê dat Dias "[had] lifted the numb hopeless feeling that stopped me writing for so long". In 1957 is Dias se radioverwerking van Good Morning, Midnight deur die BBC uitgesaai.
Dias het die rol vertolk van Solange in die twee Britse premières (die eerste in Frans, en die tweede in Engels) van Jean Genet se The Maids. Beide is deur Peter Zadek geregisseer, in respektiewelik 1952 en 1956.Genet, Jean (1963) The Maids, vertaler Bernard Frechtman. Londen: Faber. (p. 6) . Sy het ook die hoofrol vertolk van Irma ('n bordeel-dame) in die wêreldpremière van Genet se The Balcony op 22 April 1957. Die opvoering is deur Zadek geregisseer. Dit het plaasgevind by die Arts Theatre Club ('n "privaat teaterklub"), ten einde die "Lord Chamberlain"Die "Lord Chamberlain of the Household" is die mees senior beampte van die Koninklike Huishouding van die Verenigde Koninkryk, en hou toesig oor die departemente wat ondersteuning bied en advies verskaf aan die monargie. Dit dien terselfdertyd as die belangrikste kommunikasiekanaal tussen die monargie en die Britse Hoërhuis. se verbod op opvoerings van die toneelstuk te omseil.Styan, J. L. (1981) Symbolism, Surrealism and the Absurd. Vol. 2 of Modern Drama in Theory and Practice. Cambridge: Cambridge UP. (p. 149) .; White, Edmund. 1993. Genet. Gekorrigeerde uitgawe. Londen: Picador, 1994. (p. xxiv; 481). .
Dias sterf op 30 Augustus 1977 in Londen. Sy is oorleef deur haar man, die joernalis Hans Werner Egli, saam met wie sy 'n seun en dogter gehad het.
Verwysings
Eksterne skakels
Kategorie:Geboortes in 1911 Kategorie:Sterftes in 1977 Kategorie:Britse skrywers Kategorie:Britse aktrises