Die Klein skerpioenbos (Mesembryanthemum tomentosum) is 'n vetplant wat tot die familie Aizoaceae behoort.
Verspreiding en habitat Die plant is inheems aan Namibië en Suid-Afrika, waar dit tot die Noord-Kaap beperk is. Sy natuurlike habitat is droë savanne en klipperige gebiede.
Taksonomie Die spesies is in 1928 vir die eerste keer deur Nicholas Edward Brown beskryf as Trichocyclus pubescens. Dit is in 1937 deur Arthur Allman Bullock na die Brownanthus-genus verskuif (as Brownanthus pubescens). 'n Molekulêre filogenetiese studie in 2007 het tot die gevolgtrekking gekom dat Brownanthus dieselfde is as Mesembryanthemum, wat destyds nie as monofileties omskryf is nie. Gevolglik is al die spesies van Brownanthus na 'n vergrote Mesembryanthemum oorgeplaas. Aangesien die naam Mesembryanthemum pubescens reeds in 1795 vir 'n ander spesie (nou Gibbaeum pubescens) gebruik is, was 'n vervangingsnaam nodig, sodat Brownanthus pubescens dan Mesembryanthemum tomentosum geword het.
Galery
Verwysings
Bronne REDLIST Sanbi Plants of the World Online
tomentosum Kategorie:Flora van Namibië Kategorie:Flora van Suid-Afrika