In de Geologie is dat Äon (gr. αιών aiṓn „Ewigkeit“) en Eenheit för de böverste Even vun de Indelen vun de Eerdhistorie as se vun de Geologen in de histoorschen Geologie un in de Geochronologie bruukt warrt. In de Chronostratigrafie is de gliekbedüden Eenheit dat Äonothem.
Wo veel Äonen in de Indelen vun de Eerdhistorie bruukt warrt, is bi verscheeden Schrievers ünnerscheedlich. An’n wenigsten ümstreden is dorbi dat jüngste Äon, dat Phanerozoikum. De Artikels in de plattdüütschen Wikipedia bruukt eenheitlich de Indelen na den ICS-Standard. Dorna warrt twüschen veer Äonen ünnerscheedt (Tieten in Millionen Johren (Ma)): Phanerozoikum 541 Ma bis 0 Ma Proterozoikum 2.500 Ma bis 541 Ma Archaikum 4.000 Ma bis 2.500 Ma Hadaikum 4.600 Ma bis 4.000 Ma De letzten dree (Hadaikum, Archaikum un Proterozikum) warrt faken ok as Präkambrium oder Kryptozoikum tosamenfaat.
Indelen De Indelen vun de Eerdhistorie warrt vun Even to Even jümmer fiener. De Äonen warrt ünnerdeelt in Äras: Phanerozoikum Känozoikum Mesozoikum Paläozoikum Proterozoikum Neoproterozoikum Mesoproterozoikum Paläoproterozoikum Archaikum Neoarchaikum Mesoarchaikum Paläoarchaikum Eoarchaikum Hadaikum
De Äras warrt wieter in Perioden opsplitt sünd, un de sünd noch mal in Epochen indeelt, för de dat mitünner noch mol fienere Indelen gifft. För de nipp un naue Indelen kiek bi Geoloogsch Tietskala.
Kategorie:Eerdtietöller