As Sporengasen warrt Gasen betekent, de blots in lütte Andelen in de Luft – sünners in de Eerdatmosphäär – vörkamt. Se maakt normalerwies weniger as 1 % ut un ümfaat dormit all Gasen blangen de beiden Hööftbestanddelen Stickstoff un Suerstoff, Argon liggt mit 0,93 % jüst so an de Grenz.
Vele Sporengasen hebbt Influss op de Ümwelt. Ozon, to’n Bispeel, kumt in verscheeden Höhen ünnerscheedliche Bedüden to. As cheemsch reaktive Stoffen sünd eenige Sporengasen bedüdend för de regionale Reinheit vun de Luft, annerer dorgegen sünd as bedüdende Drievhuusgasen slecht för dat weltwiete Klima.R.K. Monson & E.A. Holland (2001). "Biospheric trace gas fluxes and their control over tropospheric chemistry". Ann. Rev. Ecol. Sys. 32: 547-576. De mehrsten Sporengasen sünd anthropogen, also dör dat Wirken vun Minschen freesett, man ok Planten sünd wichtige Bornen in aflegen Rebeden.S.J. Hall, P.A. Matson & P.M. Roth (1996). "NOX emissions from soil: Implications for air quality modeling in agricultural regions.". Ann. Rev. Energy Env. 21: 311-346.R.K. Monson (2002). "Volatile organic compound emissions from terrestrial ecosystems: A primary biological control over atmospheric chemistry". Israel J. Chem. 42: 29-42.
Argon is dat fakenste ünner de Sporengasen. Annere Sporengasen sünd t. B. Waterdamp, Kohlstoffdioxid, Methan, Ozon, Distickstoffoxid un vele annere.
Bornen
Literatur John Burrows, Herbert Fischer, Klaus F. Künzi, Klaus Pfeilsticker, Ulrich Platt, Andreas Richter, Martin Riese, Gabriele Stiller, Thomas Wagner: Atmosphärische Spurenstoffe und ihre Sondierung. Chemie in unserer Zeit 41(3), S. 170 – 191 (2007), ISSN 0009-2851
Kategorie:Gas Kategorie:Atmosphäär