duum|Emma Watson 2013 Emma Charlotte Duerre Watson (* 15. April 1990 in Paris, Frankriek) is en britsche Schauspelerin. Se is bekannt worrn dör ehr Rull as Hermine Granger in de Filmen vun de Harry Potter-Romanen.
Biografie Emma Watson hett de eersten fief Johren vun ehr Kindheit in Paris verleevt. Dorna tög ehr Familie na England üm. Ehr Öllern Jaqueline Watson un Chris Watson, de beide Afkaten sünd, hebbt sik 1995 scheden laten. De Vadder is dorna na London gahn, woneem he sien egen Kanzlei apen maakt hatt. Ehr Mudder is mit Emma un den dree Johr jüngeren Broder Alex na Oxford togen. Dor leevt se bit hüüt.
Watson harr eersten Kontakt to de Schauspeleree in de Dragon School. Vör ehrn eersten Kino-Film hett se al bi mehrere Opföhren vun’t Schooltheater Hööftrullen speelt. Un in’t Öller vun söven Johr harr se ok al mol den eersten Pries wunnen bi de Daisy Pratt Poetry Competition, en Wettstriet, wo Gedichten vördragen warrt. To dat Casting to Harry Potter and the Sorcerer’s Stone is Emma Watson 2000 vun ehrn Theater-Lehrer anmellt worrn, de grote Stücken op ehr schauspelerisch Leistung hollen hett. Dor hett se sik gegen ruchweg 4000 annere Deerns dörsett un kreeg mit Hermine Granger de wieflich Hööftrull.
Vun wegen den groten Spood vun’n eersten Film in de Kino is Emma Watson sotoseggen över Nacht tosamen mit ehr Kollegen weltwiet bekannt worrn. De Gage, de se för den tweeten Film kasseert hett, weer denn ok meist teihnmol so hooch as för de eersten Deel. Emma’s Fortune In de Twüschentiet hett se aver ok blangen de Harry-Potter-Reeg noch bi annere Produkschonen mitarbeit.
Siet Mitt 2007 is Emma Watson de ne’e Warffigur vun Chanel, womit se sik in een Reeg stellt mit Stars as Nicole Kidman oder Kate Moss.
Man, Emma Watson hett bi all den Spood ok annere wichtige Saken nich schluren laten. Wat bi ehr Rull in de Potter-Reeg, woneem se en överkloke Streversche speelt, goot lett, is de Ümstand, dat se ehr Abitur ok in’t wirkliche Leven mit beste Noten afslaten hett.Spiegel-Online: Emma Watson glänzt mit Spitzenabitur vun’n 16. August 2008
Filmografie duum|Emma Watson (2005) Johr Titel Synchroonsnacker 2001 Harry Potter and the Sorcerer’s Stonedt.: Harry Potter und der Stein der Weisen Gabrielle Pietermann 2002 Harry Potter and the Chamber of Secretsdt.: Harry Potter und die Kammer des Schreckens Gabrielle Pietermann 2004 Harry Potter and the Prisoner of Azkabandt.: Harry Potter und der Gefangene von Askaban Gabrielle Pietermann 2005 Harry Potter and the Goblet of Firedt.: Harry Potter und der Feuerkelch Gabrielle Pietermann 2007 Ballet Shoes, Feernsehn Gabrielle Pietermann 2007 Harry Potter and the Order of the Phoenixdt.: Harry Potter und der Orden des Phönix Gabrielle Pietermann 2008 The Tale of Despereaux, Stimmdt.: Despereaux – Der kleine Mäuseheld Maria Koschny 2009 Harry Potter and the Half-Blood Princedt.: Harry Potter und der Halbblut-Prinz Gabrielle Pietermann 2010 Harry Potter and the Deathly Hallows: Part 1dt.: Harry Potter und die Heiligtümer des Todes Gabrielle Pietermann 2011 Harry Potter and the Deathly Hallows: Part 2dt.: Harry Potter und die Heiligtümer des Todes: Teil 2 Gabrielle Pietermann 2012 The Perks of Being a Wallflowerdt.: Vielleicht lieber morgen Gabrielle Pietermann 2013 The Bling Ring Gabrielle Pietermann 2014 Noah Gabrielle Pietermann 2015 Coloniadt.: Colonia Dignidad – Es gibt kein Zurück Miriam Stein 2015 Regression Gabrielle Pietermann 2017 Beauty and the Beastdt.: Die Schöne und das Biest Gabrielle Pietermann (Text)Julia Milena Scheeser (Singen) 2017 The Circle Gabrielle Pietermann
Priesen un Utteken Watson weer in ehr noch junge Loopbahn al över veertig mol för Filmpriesen vörslahn (Stand Juni 2013) un is dörteihn mol utteken worrn. Wunnen hett se ünner annern: 2002: den Young Artist Award in de Kategorie Beste Hööftdorstellerin in en Speelfilm för Harry Potter and the Sorcerer’s Stone 2003: den Phoenix Film Critics Society Award in de Kategorie Beste junge Dorstellerin in en Hööftrull för Harry Potter and the Chamber of Secrets. 2007: den National Movie Award in de Kategorie Beste Dorstellerin för Harry Potter and the Order of the Phoenix 2011: den Teen Choice Award in de Kategorie Beste Dorstellerin (Sci-Fi/Fantasy) för Harry Potter and the Deathly Hallows: Part 1 2011: den Teen Choice Award in de Kategorie Best Söten för Harry Potter and the Deathly Hallows: Part 1 2011: den Teen Choice Award in de Kategorie Best Sommerfilm-Dorstellerin för Harry Potter and the Deathly Hallows: Part 2 2012: den San Diego Film Critics Society Awards in de Kategorie Best Ensemble för The Perks of Being a Wallflower
Bornen
Websteden
offiziell Websteed (engelsch) Emma Watson Empire (düütsch)
Kategorie:Fru Kategorie:Schauspeler Kategorie:Börger von Grootbritannien Kategorie:Engelsch Kategorie:Boren 1990