Cavansit is en roor Mineral ut de Mineralklass vun de Schichtsilikaten. Dat Mineral hett de cheemsch Formel Ca[VO|Si4O10] · 4 H2O un kristalliseert in’t orthorhombsche Kristallsystem, wobi lange tafelige, prismaatsche oder nadelige Kristallen tostannen kamt, mitünner ok radialstrahlige Gesatlt in de Klören gröön, gröönblau un blau.
Naam un Historie De Naam „Cavansit“ is en künstlich Woort, dat ut de Afkörten vun de in’t Mineral vör allen vörkamende Elementen Calcium, Vanadium un Silizium. Dat anbammelte t steiht för dat greeksche lithos för „Steen“.
Funnen un to’n eersten mol beschreven weer dat Mineral 1967 vun en US-amerikaanschen Mineralogen.
Vörkamen Cavansit billt sik vör allen hydrothermal in Hollrüüm vun Vulkanstenen.
Opstunns gifft dat blots ganz wenig Fundsteden vun dat Mineral. De besten Kristallen kamt ut de Zeolith-Steenbrüch in Pune in Indien.
Verwennen Dat Mineral hett technisch un weertschopplich keen Bedüden. Blots Sammlers hebbt Cavansit geern in jemehr Sammeln vun wegen de strahlend blaue Klöör.
Literatur Edition Dörfler: Mineralien Enzyklopädie, Nebel Verlag, ISBN 3-89555-076-0 Paul Ramdohr, Hugo Strunz: Lehrbuch der Mineralogie (16. Aufl.), Ferdinand Enke Verlag (1978), ISBN 3-432-82986-8
Weblenken
MinDat - Cavansite (engelsch)
Kategorie:Mineral