Heinrich Schmidt-Barrien, an un for sik Heinrich Adolf Schmidt (* 19. Januar 1902 in Uthleer/Landkreis Cuxhoben; † 9. Dezember 1996 in Lelendaal bi Bremen) weer en düütschen un plattdüütschen Schriever.
Leven Schmidt-Barrien weer de Söhn vun en protestantschen Paster. He hett de Volksschool in Hamelwörden besöcht un is denn up de Realschool na Freeborg/Elv gahn. Dornah besöch he vun 1913 bit 1920 en Humanistisch Gymnasium in Bremen. In düsse Tiet stünn sien Öllerhuus in Barrien bi Syke. Dor hett he sik sien Binaam na utsöcht un hett sik later Schmidt Barrien nömmt. In Bremen güng he vun 1920 bit 1921 up en Koopmannsschool. Vun 1921 bit 1923 lehr he up Groot- un Butenhannel. As he dor fardig mit weer, güng he na Waldenburg in Slesien un arbeit dor as koopmännsch Anstellten. In Breslau stünn he vun 1926 bit 1929 en Bökerladen vör. Vun 1932 af an weer he bi de Bremer Böttcherstraten mit bi. He weer dor as Kulturbaas instellt. In'n Tweeten Weltkrieg weer he vun 1941 af an bit 1945 Suldat an de Oostfront un in Norwegen. Na den Krieg is he vun 1945 af an Free Schriever bi Bremen ween. Bi de Plattdüütsche Speeldeel hett he as Stückeschriever mitmaakt. 1996 is he mit 94 Johren storven. Vun dat Johr 2000 af an warrt to sien Ehren jedet Johr de Heinrich-Schmidt-Barrien-Pries verdeelt.
Siene Kunst Schmidt-Barrien hett up Platt un Hooch schreven. He hett Romaans schreven, man ok Vertellen, Theaterstücken un Höörspelen. Al an dat Enn vun de 1960er Johren hett Schmidt-Barrien bi de Niederdeutsche Stimmen vörleest. Dat weer en Reeg vun Platten, wo de Warken vun wichtige plattdüütsche Schrievers ut de dore Tiet upnahmen wurrn sünd. He lees dor Wapen för'n Kaptein, Wenn de Roland singt un de Döntjes vun Jann Kiewitt.
Wo he mit ehrt un uttekent is
1954 Literaturpries vun de Stadt Bremen 1960 Hans-Böttcher-Pries, Hörspeelpries vun de Hamborger Stiftung FVS 1965 inlaadt as Ehrengast in de Villa Massimo na Rom 1969 Fritz-Reuter-Pries 1972 Medaille för Kunst un Wetenschop vun de Free un Hansestadt Bremen 1980 Nicolas Born-Pries (Twieg: Künstlerstipendien un Kunstpries vun dat Land Neddersassen för Literatuur) 1982 Bundsverdeenstkrüüz 1990 Kulturpries vun den Landkreis Deefholt
Warken
in Hochdüütsch
Ihr Kleinmütigen, Berlin 1943, 3., överarbeit' Uplaag, Bremen 1995, 271 S.; ISBN 3-929902-64-8 Der Mann ohne Gesicht, Gütersloh 1949 Tanzgeschichten, Gütersloh 1950 Geschichten aus der Bibel, Göttingen 1952 Und der Herr sprach, Göttingen 1957 Und bauen den Bienen ein Haus, Hamborg 1958 17 Tage Hurrikan, Hamborg 1963 Lessing im Walde, Göttingen 1965 Bilder aus der Grafschaft Hoya, Syke/Hoya 1967 Im Geiste Findorffs, Worpswede 1967 Geliebte Biene, Göttingen 1968 40 Jahre Niederdeutsches Theater Bremen, Bremen 1968 Parks und Anlagen einer Hansestadt, Oldenborg 1970 (zusammen mit Klaus Rohmeyer) Land um Bremen, Bremen 1975 (zusammen mit Klaus Rohmeyer) Werke, Bremen 1. Hochdeutsches, 1975 2. Ihr Kleinmütigen, 1975 3. In Platt vertellt, 1975 4. Speel in Platt, 1975 5. Altbremen, 1975 6. Strandgut, 1980 Schnoor No. 6, Bremen 1984 Not oder Brot, Heide 1987 Aus dem alten Bremen, Osterholt-Scharmbeck 1989 Worpsweder Begegnungen, Osterholt-Scharmbeck 1989 Aus meinen Jungensjahren. Uthlede, Hamelwörden und Barrien. 1902-1917, Heide 1992, 196 S. m. Abb.; ISBN 3-8042-0572-0 Aus dunklen Tagen, Bremen 1994 Van Gogh im Moor, Bremen 1996
Up Platt
Dat plattdütsche Krüppenspäl, Veern 1934 Nachtvagels, Veern 1938 Swigen un Swögen, Hamborg 1938 Inkognito, oder En Herren-Eten, Veern 1939 De Windmüller, Bremen 1939 Scheßeler Hochtied, Veern 1939 Oold-Bremen, Bremen 1940 De frömde Fro, Hamborg-Wellingsbüddel 1952 Ünner de Swööp, Hamborg 1952 Klocken von guntsiet, Hamborg 1953 De Spaßmaker, Hamburg-Wellingsbüddel 1960 De Moorkeerl, Hamburg-Wellingsbüddel 1968 De Sommerdeern, Bremen 1977 De Vagelfänger, Heide 1990 Ut de ole Tied, Oosterholt-Scharmbeck 1991 Jann Kiewitt, Lelendaal 1994 Water över Weyerdamm, Oosterholt-Scharmbeck 1995
Rutgeven hett he
Eduard Rosenhagen: Ut mien Fohrenstied, Bremen 1939 Heinrich Smidt: Bremer Kinner-Rimels, Bremen 1941 Jeremias Gotthelf: Änneli, Göttingen 1950 Keen gröter Freud, Wulfenbüddel [u. a.] 1979 Lüttje Lüe, Husum 1981
Literatur
Irene Grotefend u. Wilhelm Dehlwes (Hrsg.): Heinrich Schmidt-Barrien. 1902 - 1996. Texte und Bilder zu Leben und Werk. Lelendaal 1999; ISBN 3-927723-43-6
Weblinks Kort över dat Leven vun Heinrich Schmidt-Barrien (Hoochdüütsch) Heinrich Schmidt-Barrien in de plattdüütsche Toonarchiv PLATO
Footnoten
Kategorie:Bremen Kategorie:Mann Kategorie:Schriever Kategorie:Plattdüütsch Kategorie:Hoochdüütsch Kategorie:Landkreis Deefholt Kategorie:Dräger vun’t Bundsverdeenstkrüüz Kategorie:Boren 1902 Kategorie:Storven 1996 Kategorie:Börger von Düütschland