Wulf Lammers (* 4. Juni 1926 in Welster; † 20. Februar 2018 in Hamborg) weer en düütschen Dokter un Schriever. He hett 1996 dat Book Die Plattdeutsche Sprache - Ursprung, Entwicklung, Verwandte, Prognose rutgeven. He weer ok Vörsitter vun dat Prieskuratorium för’n Quickborn-Pries.
Lammers is 1926 as Söhn von en Dokter in Welster boren. 1944 möök he in Itzho dat Abitur un müss denn Soldaat för’n Tweten Weltkrieg warrn. Na’n Krieg hett he an de Universität Kiel Medizin studeert un is Dokter worrn. He hett an verscheden Krankenhüüs arbeidt un sik op Röntgen-Medizin spezialiseert. He hett toletzt in Grootflottbeek un op Sylt wahnt. Mit siene Fro Inka (verheiraadt siet 1955) harr he twee Söhns.
Warken
Die Plattdeutsche Sprache. Ursprung, Entwicklung, Verwandte, Prognose. Wachholtz, Niemünster 1996, ISBN 3-529-04507-1
Weblenken
Wulf Lammers op Plattmakers Black
Kategorie:Mann Kategorie:Schriever Kategorie:Hoochdüütsch Kategorie:Boren 1926 Kategorie:Storven 2018 Kategorie:Börger von Düütschland