Karl-Heinz Groth (* 4. Januar 1940 in Lunnen; † 11. April 2025) weer en plattdüütschen Schriever.
Leven Groth wor 1940 in Lunden boren un is dor ok vun 1947 af an bet 1951 op de Volksschool wesen un denn bet 1956 op de Middelschool. 1956/1957 hett he en Lehr op Holtkoopmann in Heid maakt. Denn is he aver wedder na School gahn un weer bet 1960 op Gymnasium in Heid. 1960 keem he na de Pädagoogschen Hoochscholen Flensborg un Hamborg un hett Historie studeert, op Lehramt för Grund- un Hauptschool. Na sien Studium keen he toeerst as Lehrer na Helgoland. 1972 güng he na Heid un weer 1975/1976 een Johr Schoolmeester in Büsen. 1977 hett he de School in Wyk as Rekter övernahmen un is denn na Eckernföör gahn, wo he vun 1982 bet to sien Rohstand 2003 Rekter von de Gorch-Fock-School wesen weer.
Groth weer vun 2006 bet 2010 in’n Plattdüütschen Raat för Sleswig-Holsteen. De Klaus-Groth-Pries vun de Stadt Heid, dat weer sien Idee. Sülvs hett he 1994 den drüdden un 1997 den tweten Platz bi’n Freudenthal-Pries maakt un 2000 de Sleswig-Holsteen-Medallje kregen, for sien Insatz för de plattdüütsche Spraak. Groth harr ok en grote Kolumne in de 16 Daagbläder vun den Sleswig-Holsteenschen Zeitungsverlag. 2009 hett he dat Bundsverdeenstkrüüß kreegen.
Groth weer verheiradt, leevt vun de 1980er Johr bit to sien Dod in Goosfeld bi Eckernföör un harr fief Kinner.
Warken (Utwahl) Also, um eins in Düsternbrook, Wartberg-Verlag, Gudensberg-Gleichen, 2007 De Lütthasenschool, Husum Druck- und Verlags-Gesellschaft, Husum, 2011 De Postroov un anner Kriminolgeschichten (mit Carl Groth) Wachholtz, Niemünster 1997 De Wiehnachtsgoos Auguste, Husum Druck- und Verlags-Gesellschaft, Husum, 2012 Dreih di mol üm. Vun Minschen un anner Lüüd, Verlag Schwensen, Eckernföör, 1992 Kalli un Butzel op grote Fohrt, Quickborn-Verlag, Hamborg, 1995 Morrn süht allens anners uut, Schleswig-Holsteinischer Zeitungsverlag, Flensborg, 2000 Saivala. (Kalli un Butzel op Hoochdüütsch) Fischer-Verlag, Aken (Elv), 1996 Schleswig-Holstein-Quiz op Platt. Wachholtz , Niemünster, 2004 Segg mol ... Achtersinnige Vertellen. Quickborn-Verlag, Hamborg, 1994 So spricht Schleswig-Holstein, Schleswig-Holsteinischer Zeitungsverlag (sh:z), Flensborg, 2011 Ulenspegel will flegen leern. En Stück för Kinner na en Idee vun Günter Seidel. Mahnke-Verlag, Veern, 1994 Vun Dannenbööm un Wiehnachtsdrööm, Verlag Jung, Kiel, 2004 Weihnachten in Schleswig-Holstein, Wartberg-Verlag, Gudensberg-Gleichen, 2013 Wenn de Haifisch Minschen weern (Bertold Brecht), Wachholz, Niemünster, 2004 Wir vom Jahrgang 1940, Wartberg-Verlag, Gudensberg-Gleichen, 2005 Wullerdieker Geschichten oder Swien mutt de Minsch blieven. Wachholtz, Niemünster, 1999
Utteken 2000: Sleswig-Holsteen-Medallje vun Land Sleswig-Holsteen 2004: Lornsen-Kett vun de Sleswig-Holsteenschen Heimatbund (SHHB) 2008: Stoltenberg-Medallje vun de CDU Sleswig-Holsteen 2009: Bundsverdeenstkrüüß
Kiek ook bi
List vun plattdüütschen Schrievers
Weblenken Websteed vun Karl-Heinz Groth (hoochdüütsch) Karl-Heinz Groth bi DNB
Kategorie:Mann Kategorie:Schriever Kategorie:Plattdüütsch Kategorie:Hoochdüütsch Kategorie:Dräger vun’t Bundsverdeenstkrüüz Kategorie:Kreis Dithmarschen Kategorie:Kreis Rendsborg-Eckernföör Kategorie:Boren 1940 Kategorie:Storven 2025 Kategorie:Börger von Düütschland