duum|Dustin Hoffman, 2008 Dustin Lee Hoffman (* 8. August 1937 in Los Angeles) is en US-amerikaansch Schauspeler.
Mit de Film The Graduate (hoochdüütsch Die Reifeprüfung) is he bekannt wurrn und hett nahst noch twee Oscars för de Filme Kramer vs. Kramer un Rainman kregen. Ok een paar Oscar-Nomineeren hett he noch kregen. He is bekannt dorför, dat he sück immer ganz akrat up sien Rullen vörbereiten deiht.
Biografie Dustin Hoffman is de Söhn vun Öllern, de geern in’t Kino güngen, un em ne den Kinostar ut de Stummfilmtiet, Dustin Farnum nöömt hebbt. Sien Vadder hett as Utstatter för verscheden Hollywood-Studios arbeidt. Sien Broder hett 1939 en lütte Rull in den Filmklassiker Mr. Smith Goes to Washington vun Frank Capra speelt. Hoffman segg över sien Öllernhuus, dat he keen würklich gode Kindheit hatt harr.Lars-Olav Beier, Martin Wolf: „Es fühlt sich an wie ein Traum“. In: Der Spiegel 27/2008, 30. Juni 2008, S. 128.
An sik harr Hoffman vör, Pianist to warrn un hett dorför an’t Santa Monica City College Musik studeert. Man, sien Utbilln hett he 1956 afbroken un an de Steed Schauspeelünnericht an’t Pasadena Playhouse nahmen. Later segg he, dat he mit Schauspeel anfungen harr, vun wegen, dat he dor Deerns drapen künn. An’t Pasadena Playhouse is Hoffman op Gene Hackman drapen, vun den he siet de Tiet ’n goden Fründ is. 1958 is Hoffman na New York City ümtogen, woneem he sien Schauspeelstudium an’t beropen Actors Studio wietermaakt hett. En Tiet lang hett he sik mit Gene Hackman un Robert Duvall en Wahnung deelt. All dree Schauspelers harrn to de Tiet grode Problemen dormit, Rullen to kriegen. Bit in’t Öller vun 31 Johren hett Hoffman ünner de offiziellen Armotsgrenz leevt, meen he sülvst.
Sien eerste Theater-Rull hett Hoffman in Yes Is For a Very Young Man kregen. An’n Broadway speel he 1961 to’n eersten mol in A Cook for Mr. General. 1966 kreeg he för sien Speel in Journey of the Fifth Horse den Obie-Award, för Farce, Eh? den Theatre World Award un den Drama Desk Award. He kreeg denn ok lüttere Feernsehrullen un harr 1967 sien eerste Rull in Hollywood. In’t glieke Johr harr he mit sien tweeten Film The Graduate al sien internatschonalen Dörbrook.
Vun 1969 bit 1980 weer Dustin Hoffman mit de Dansersche Anne Byrne verheiraadt, mit de he twee Kinner hett. Al twee Weken na jemehr Scheden hett he de 17 Johr jüngere Afkaatsche Lisa Gottsegen heiraadt. De beiden hebbt veer Kinner. Veer vun Hoffmans söss Kinner arbeidt ok as Schauspelers. Hoffman leevt privat teemlich torüchtogen un is in de Yellow Press kuum to finnen. He is bekannt för sien linksliberalen politischen Ansichten un ööv apen Kritik an de Bush-Regeren.
Filmografie (Utwahl) Johr Titel Synchroonsnacker 1966 The Star Wagon, Feernsehn 1967 The Tiger Makes Outdt.: Der Tiger schlägt zurück Joachim Tennstedt 1967 The Graduatedt.: Die Reifeprüfung Manfred Schott 1968 Un dollaro per 7 vigliacchidt.: Zwei Nummern zu groß Werner Uschkurat 1969 John and Marydt.: John und Mary Manfred Schott 1969 Midnight Cowboydt.: Asphalt-Cowboy Herbert Stass 1970 Little Big Man Manfred Schott (jung)Hugo Schott (oolt) 1971 Straw Dogsdt.: Wer Gewalt sät Manfred Schott 1973 Papillon Manfred Schott 1974 Lenny Manfred Schott 1976 Marathon Mandt.: Der Marathon-Mann Manfred Schott 1976 All the President’s Mendt.: Die Unbestechlichen Manfred Schott 1978 Straight Timedt.: Stunde der Bewährung Manfred Schott 1979 Kramer vs. Kramerdt.: Kramer gegen Kramer Manfred Schott 1982 Tootsie Michael Brennicke 1985 Death of a Salesman, Feernsehndt.: Tod eines Handlungsreisenden Otto Sander 1988 Rain Man Joachim Tennstedt 1989 Family Businessdt.: Ehrbare Ganoven Michael Brennicke 1991 Hook Joachim Kerzel 1992 Herodt.: Ein ganz normaler Held Joachim Kerzel 1995 Outbreakdt.: Outbreak – Lautlose Killer Joachim Kerzel 1996 American Buffalodt.: American Buffalo – Das Glück liegt auf der Straße Joachim Kerzel 1996 Sleepers Joachim Kerzel 1997 Wag the Dogdt.: Wag the Dog – Wenn der Schwanz mit dem Hund wedelt Joachim Kerzel 1998 Spheredt.: Sphere – Die Macht aus dem All Joachim Kerzel 2003 Runaway Jurydt.: Das Urteil – Jeder ist käuflich Joachim Kerzel 2004 Finding Neverlanddt.: Wenn Träume fliegen lernen Joachim Kerzel 2004 Meet the Fockersdt.: Meine Frau, ihre Schwiegereltern und ich Joachim Kerzel 2006 Perfume: the Story of a Murdererdt.: Das Parfum – Die Geschichte eines Mörders Joachim Kerzel 2006 Stranger Than Fictiondt.: Schräger als Fiktion Joachim Kerzel 2007 Mr. Magorium’s Wonder Emporiumdt.: Mr. Magoriums Wunderladen Joachim Kerzel 2008 Last Chance Harveydt.: Liebe auf den zweiten Blick Reinhard Kuhnert 2008 The Tale of Despereaux, Stimmdt.: Despereaux – Der kleine Mäuseheld Uli Krohm 2010 Little Fockersdt.: Meine Frau, unsere Kinder und ich Joachim Kerzel 2011 Kung Fu Panda 2, Stimm Gottfried John 2011-12 Luck, Feernsehreeg Joachim Kerzel 2014 Chefdt.: Kiss the Cook: So schmeckt das Leben Joachim Kerzel 2014 Boychoirdt.: Der Chor: Stimmen des Herzens Joachim Kerzel 2014 The Cobblerdt.: Cobbler: Der Schuhmagier Joachim Kerzel 2015 Roald Dahl’s Esio Trot, Feernsehndt.: Mr. Hoppys Geheimnis Joachim Kerzel 2016 Kung Fu Panda 3, Stimm Reinhard Kuhnert 2017 The Meyerowitz Stories (New and Selected) Joachim Kerzel
Filmpriesen (Utwahl) Dat Dustin Hoffman to de spoodrieksten un besten Schauspelers in’t Filmgewarf tellt, warrt dör de grode Tall vun Priesen un Utteken düütlich, mit de he ehrt worrn is. Bit hüüt hett he 42 Filmpriesen wunnen un weer noch för 23 wietere Priesen vörslahn. Allen för den Oscar weer söven mol nomineert. Uttekent worrn is he ünner annern: 1969: mit den BAFTA Award in de Kategorie Veelverprekenst Needorsteller för The Graduate. 1970: mit den BAFTA Award in de Kategorie Best Dorsteller för John and Mary. 1977: mit den David di Donatello Filmpries in de Kategorie Best utlännsch Dorsteller för Marathon Man. 1980: mit den Oscar in de Kategorie Best Hööftdorsteller för Kramer vs. Kramer. 1980: mit den David di Donatello Filmpries in de Kategorie Best utlännsch Dorsteller för Kramer vs. Kramer. 1980: mit den NSFC Award in de Kategorie Best Dorsteller för Kramer vs. Kramer. 1983: mit den BSFC Award in de Kategorie Best Dorsteller för Tootsie. 1984: mit den BAFTA Award in de Kategorie Best Dorsteller för Tootsie. 1986: mit den Emmy in de Kategorie Rutragen Dorsteller in en Minireeg oder Special för Death of a Salesman. 1986: mit den Golden Globe in de Kategorie Best Hööftdorsteller – Mini-Serie oder TV-Film för Death of a Salesman. 1989: mit den Golden Globe in de Kategorie Best Hööftdorsteller – Drama för Rain Man. 1989: mit den Ehren-Gollen Boor vun de Berlinale. 1989: mit den Oscar in de Kategorie Best Hööftdorsteller för Rain Man. 1996: mit den Golden Lööw för’t Levenswark vun de Filmfestspelen vun Venedig. 1997: mit den Cecil B. DeMille Award. 1997: mit den Britannia Award in de Kategorie Exzellenz in’n Film. 1999: mit den Life Achievement Award vun’t American Film Institute. 2003: mit den Lifetime Achievement Award vun de Empire Awards. 2006: mit den Career Achievement Award vun’t Chicago International Film Festival. 2003: mit de Golden Kamera för’t Levenswark in de Kategorie Film.
Borns
Weblenken
Kategorie:Mann Kategorie:Börger von de USA Kategorie:Schauspeler Kategorie:Engelsch Kategorie:Boren 1937