Italien (italieensch Italia) is en Republiek, de in'n Süden vun Europa an de Middellannsche See liggt. Navers sünd Frankriek, de Swiez, Österriek, Vatikan, San Marino, Kroatien (de Grenz löppt öber de See) un Slowenien. De Hööftstadt is Rom. To Italien höört de groden Eilannen Sizilien un Sardinien to un ok noch en ganze Tall vun lüttjere Eilannen, as Elba un de Lipaarschen Eilannen.
Geografie Italien liggt up de Halfinsel vun den Apennin. De sütt as een Stebel ut, wenn een sik dat Land up de Kaart ankieken deit. De längsten Strööm sünd de Po, de Etsch (italieensch Adige), de Arno un de Tiber. Grode Waters gifft dat in Italien ok: De Gardasee, de Lago Maggiore, de Comer See in Böver-Italien un de Lago di Bolsena un de Lago Trasimeno in Middelitalien. De Vesuv bi Neapel un de Ätna up Sizilien sünd de bekanntest Vulkanen vun dat Land. Dor kaamt denn noch de Stromboli un annere, lüttjere, rund üm Sizilien ümto, hento. De höögste Barg vun Italien is de Mont Blanc de Courmayeur in de Alpen. He is 4.748 m. hooch.
Inwahners Hüdigendags leevt in Italien 58.679.441 Inwahners. In de Welt steiht Italien dor mit up Platz 22, binnen de europäsche Union liggt Italien an veerte Steed achter Düütschland, Frankriek un Grootbritannien. Inwahners in Stadt un Land Üm un bi 67 % vun de Italieners leevt in Städer. Besunners in den Noorden leevt de Lüde in de Stadt. In de Jahren vun 1950 bit 1960 sünd bannig veel Minschen ut dat platte Land wegtrocken nah de Städer hen. Siet de 1980er Jahren hett sik de Wind dreiht: Hüdigendags wüllt de Lüde an'n leevsten in de lütten Städer un Vöröörd rund um de groden Städer rum wohnen. Gröttste Städer (Inwohners 31. Dezember 2004) Rom - 2.553.873 Mailand - 1.299.439 Neapel - 995.171 Turin - 902.255 Palermo - 675.277 Genua - 605.084 Bologna - 374.425 Florenz - 368.059 Bari - 328.458 Catania - 305.773 Venedig - 271.251 Verona - 259.068 Messina - 247.592 Padua - 210.821 Triest - 207.069 Tarent - 199.012 Brescia - 192.164 Reggio di Calabria - 183.041 Prato - 180.674 Modena - 180.110 Parma - 174.471 Cagliari - 161.465 Perugia - 157.842 Livorno - 155.986 Reggio nell'Emilia - 155.191 Foggia - 154.780 Ravenna - 146.989 Salerno - 135.818 Rimini - 134.700 Ferrara - 131.907 Sassari - 124.929 Siracusa - 123.332 Pescara - 122.577 Monza - 122.263 Bergamo - 116.510 Vicenza - 113.483 Latina - 111.946 Forlì - 111.495 Trento - 110.142 Terni - 108.999 Giugliano in Campania - 105.951 Novara - 102.746 Ancona - 101.797
Spraken Amtsspraak is Italiensch, in't Aostatal warrt ok Franzöösch, in Südtirol ok Hoochdüütsch un Ladiensch, up Sardinien ok Sardisch snackt un in Triest ok Slowensch snackt. In'n Süden von Italien gifft et Lüüd, die vor en paar hunnert Johrn von Albanien oder Grekenland kamen sünd un jümmer noch ihr Spraak snacken.
Staat De Verfaten is demokraatsch. De Präsident is Sergio Mattarella.
Kategorie:Land Kategorie:Italien