duum|Luftbild von Brest 2013 Dat Dörp Brest is de Hauptoort von de Gemeen Brest in’e Samtgemeen Harsfeld in’n Landkreis Stood, Neddersassen.

Geografie

De Oort liggt op de Stoder Geest. Dat Water ut dat Rebeed flütt över de Bever af. In’n Süden liggt dat Naturschuulrebeed In’n Tadel.

De Naveröörd sünd Aasp in’n Noorden, Frankenmoor in’n Noordoosten, Bargst in’n Oosten, Doosthoff un Kokerbeek in’n Süüdoosten, Wohlers un Lütt Wohlers in’n Süden, Reith un Bredenbeek in’n Süüdwesten, Baast in’n Westen un Kutenhult un Lütt Aasp in’n Noordwesten.

Historie

duum|Wapensteen in Brest Brest kummt 1388 as Brecstede toeerst in de Oorkunnen vör.

In’n Eersten Weltkrieg sünd 15 Soldaten ut Brest fullen oder vermisst un in’n Tweten Weltkrieg 24.Onlineprojekt Gefallenendenkmäler

Vun archäologsch Funnen weet man, dat in dat Rebeet vun de Gemeen all in de Vör- un Fröhgeschicht Minschen leevt hebbt.

Verwaltungsgeschicht

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Aasp in’n Kanton Harsfeld höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Harsfeld in’n Kanton Hornborg.

De Oort hett vör 1885 to de Böörd Bargst von dat Amt Harsfeld tohöört. Na 1885 weer dat in’n Kreis Stood, de 1932 mit de Kreise Jörk un Keden to’n hüdigen Kreis Stood tohoopgahn is.

De Oort weer fröher en egenstännige Gemeen, de an’n 1. Juli 1972 mit de Gemeenreform in Neddersassen mit Reith un Wohlers to de ne’e Gemeen Brest tohoopleggt worrn is. De Gemeen Brest weer von 1964 bet 1972 Deel von de Samtgemeen Bargst. 1972 is de Samtgemeen Bargst oplööst worrn un de Gemeen keem an de Samtgemeen Harsfeld.

Inwahnertall

Religion

Brest is evangeelsch-luthersch präägt un höört to dat Kaspel von de Primus-Kark in Bargst.

För de Kathoolschen is de St.-Maria-Kark in Buxthu tostännig.

Kultur

duum|Kriegerdenkmaal in Brest En Denkmaal för de Fullenen ut de twee Weltkrieg’ steiht in Brest an de Hauptstraat.

Verenen

De Schüttenvereen Brest is 1924 grünnt worrn un de Heimaatvereen 1986.

Weertschop un Infrastruktur

De Freewillige Füürwehr Brest is an’n 3. September 1938 grünnt worrn.

In de Gemeen Brest gifft dat mehrstendeels de Bueree un Weertschopsbedrieven för sölke Reedschop.

Verkehr

Dör Brest löppt de Kreisstraat 48, de in’n Noordoosten na Bargst an de Landsstraat 123 ran geiht un in’n Süüdwesten över Bredenbeek un Farm na Malst. Von Brest na Noorden geiht de K 58 na Aasp an de L 123. De L 123 föhrt von Bargst in’n Noordoosten över Ohrens un Issendörp na Hornborg un von Aasp in’n Noordwesten na Kutenhult, Heesdörp un Bremervöör.

De nächste Autobahn is de Autobahn 26 (Afsnidd Stood–Hamborg). De Opfohrt 5 Hornborg liggt so 19 Kilometer in’n Noordoosten von Brest an de K 36.

De nächste Bahnhoff is en knappen Kilometer in’n Noorden de Bahnhoff Brest-Aasp an de Bahnlien Bremerhoben–Buxthu.

Lüüd

De Botaniker Jost Fitschen is 1869 in Brest boren.

Footnoten

Weblenken

Websteed von de Museumsschüün (hoochdüütsch)

Kategorie:Oort Kategorie:Landkreis Stood