Martin Lüttge (* 1. Juli 1943 in Hamborg; † 22. Februar 2017 in Plön) weer en düütschen Schauspeler un Speelbaas. Populär wurrn is he 1992 as Kommissar Bernd Flemming in de Fernsehrieg Tatort. He weer dormit Nahfolger van Götz George, de in de Rull as Horst Schimanski bannig populär wurrn is.
Werdegang Lüttge, Waldorf-Schöler, gung Enn’ van de 50er Johren nah England, um Buer to wurrn. He hett denn een Utbilden makt up een Kalvermasthoff in Devonshire. Aber he fung dor ok an to schauspelern, brok bold sein Openholt in England af un gung nah de Zerboni-School in Gauting un dornah an de niege Schauspeelschool in München. Sietdem makt he beides: Buer un Schauspeler.
Speelbaas Fritz Umgelter hett dat Talent van den jungen Lüttge sehn un hett hüm för eenige Hööftrullen för de Fernsehkamera holt: Bratkartoffeln inbegriffen, Rebellion der Verlorenen, un de Serie Wie eine Träne im Ozean. To glieker Tiet kreeg Lüttge 1966 een Bühnenengagement an de Münchner Kammerspiele un maak sück dor bit 1970 as Allroundbegabung im Charakterfaak ober ok as Komödiendorsteller een Naam.
In’ Ansluss doran stunn Lüttge in dat Düsseldörper Schauspeelhuus (bit 1974) up de Böhn un kunn denn bis 1977 ünner Claus Peymann an dat Staatstheater Stuttgart as Faust groote Erfolge fiern.
1978 hett he tosommen mit annern sein eegen Theater, dat Zelttheater, upmakt, wat siet 1980 as Theaterhof Priessenthal firmeert. Disse free Theatergrupp hett een 440 Johr old Buernhoff, mit 5 Hektor Land dorbi in Mehring bi Burghausen in Bayern. Dor leben se un hebbt in’ Winter ok ehr Proben. Fröher harrn se een Telt, wo 600 Lüüd drin Platz harrn. Dat hebbt se aber inmott’. Hüdtodag goht de Schauspelers up Tournee und speelt in fast Säälen. Up de Theaterhoff arbeiten jetzt noch 10 Lüüd. Dor kann man ok över Nacht slapen. Striekelzoo un Kinnerbackkurse gifft dat dor ok.
Literaturnahwies Christian Schröder, Kühe sind sensible Zuschauer, in: Der "Tagesspiegel," Nr. 19402 vom Freitag, den 15. Dezember 2006, S. 29 mit een aktuellen Foto van de Schauspeler, upnommen vun Birgit Kleber.
Filmografie (Utwahl) Johr Titel 1964 Unsere große Schwester, Feernsehreeg 1965 Der Fall Michael Reiber, Feernsehn 1967 Bratkartoffeln inbegriffen, Feernsehn 1967 Eine Handvoll Helden 1968 Zur Sache, Schätzchen, Feernsehn 1969 Köpfchen in das Wasser, Schwänzchen in die Höh, Feernsehn 1970 Tod nach Mitternacht, Feernsehn 1972 Strohfeuer 1973 Der Lord von Barmbeck 1975 Berlinger 1977 Eine Dummheit macht auch der Gescheiteste, Feernsehn 1978 Zwischengleis 1981 Jede Menge Kohle 1982 Bananen-Paul 1984 Die Wannseekonferenz, Feernsehn 1985 Zahn um Zahn 1989 Laura Ley 1997 Mayday – Flug in den Tod 1997 Schweinesand – Eine Insel voller Geheimnisse 1985-2000 Tatort, Feeernsehfolgen 2002 Verrückt nach Paris 2006 Die Pferdeinsel, Feernsehn 2011 Bittere Kirschen 2007-13 Fortshaus Falkenau, Feernsehreeg
Theaterrollen (Utswahl) 1968 Rosenkranz in Stoppards Rosenkranz und Güldenstern sind tot (Regie: Dieter Giesing, Münchner Kammerspiele ünner Intendant August Everding) 1969 Priester Kiro in Edward Bonds Schmaler Weg in den tiefen Norden (Regie: Peter Zadek, Münchner Kammerspiele) 1977 Faust in Faust I und II (Regie: Claus Peymann, Staatstheater Stuttgart) seit 1980 Tourneetheater Klassiker, Theaterhof Priessenthal bis vandaag
Utteken 1968: Förderpries för Nachwuchsdorsteller van de Stadt München 1975: Bambi 1982: Förderungspries Dorstellend Konst, Akademie der Künste Berlin 1993: Bayerischer Heimatpries in de Sparte Kultur un Gemeenschap 2000: Kulturpries Landkreis Altötting 2001: Oberbayerischer Kulturpries
Weblenken Theaterhof Priessenthal
Kategorie:Mann Kategorie:Schauspeler Kategorie:Hoochdüütsch Kategorie:Storven 2017 Kategorie:Boren 1943 Kategorie:Börger von Düütschland