Seevdaal () is een Gemeen in’n Landkreis Horborg in Neddersassen bi Hamborg. Se hett . Seet von de Verwaltung is Hittfeld.
De Gemeen gellt na dat neddersassische Kommunalverfatensgesett as Sülvstännige Gemeen.
Historie
Seevdaal is an'n 1. Juli 1972 ut 19 sülvststännigen Gemenen as Eenheitsgemeen schopen wurrn. De Naam Seevdaal is ok von 1972. De Gemeen is na de Seev nöömt worrn, de dör de Gemeen flütt.
Gemeenopdelen
De Gemeen besteiht ut söss Oortschoppen, de egen Oortsrääd un Oortsbörgermeesters hebbt un in de jümmer en Reeg Dörper tohoopfaat sünd.
Oortschop Dörper Fleest/Glüsen/Bääkdörp/Metzendörp Fleest (mit Fleesterloh), Glüsen (mit Glüser Loh), Bääkdörp (mit Weid un Wittenbarg), Metzendörp (mit Wooxdörp) Hittfeld/Emmelndörp/Helmstörp/Lindhost Hittfeld, Emmelndörp, Helmstörp, Lindhost (mit Plumöhlen) Maschen/Host/Hössen Maschen (mit Freschenhusen), Host, Hössen Mäkelfeld/Lütt-Moor Mäkelfeld, Lütt-Moor Over/Bullenhuus/Groot-Moor Over, Bullenhuus, Groot-Moor Ramßel/Ohlendörp/Holtörp Ramßel, Ohlendörp, Holtörp
Inwohners
(jümmers to’n 31. Dezember) 1998 - 39.564 1999 - 40.164 2000 - 40.536 2001 - 40.819 2002 - 41.060 2003 - 41.157 2004 - 41.287 2005 - 41.614
Seevdaal is de Gemeen mit de mehrsten Inwohners vun Düütschland ohn' Gemeen mit Stadtrechten.
Politik
Gemeenderaat
De Raat vun de Gemeen besteiht ut 40 Liddmaten un den hauptamtlichen Börgermeester.
+ Sitten in’n Gemeenderaat Johr CDU SPD De Grönen Free Wählers * FDP De Linke 2006 17 13 3 4 3 - 2011 http://wahl.gemeinde-rosengarten.de/2011/Rat2011.htm 15 12 5 6 1 1
2006 = BIS, 2011 = FW.S
Börgermeesters
Dat Amt von’n Börgermeester weer bet to dat Enn von de Tweegleisigkeit 1997 ehrenamtlich. Siet 1997 is de Börgermeester in’t Hauptamt ok för de Verwaltung von de Gemeen tostännig.
Tied Naam Partei 1972–1984 Hermann Meyer 1984–1997 Horst Schneemann CDU 1997–2005 Rainer Timmermann CDU 2005–2013 Günter Schwarz SPD 2013– Martina Oertzen CDU
Gemeendirekters
Dat Amt von’n Gemeendirekter is 1997 mit dat Enn von de Tweegleisigkeit in dat Amt von’n hauptamtlichen Samtgemeenbörgermeester opgahn.
Tied Naam 1972–1978 Hans-Joachim Röhrs 1978–1991 Hermann Schaller 1991–1997 Rainer Timmermann
Ehrenbörgers
Seevdaal hett betherto veer Ehrenbörgers:
1976: Philipp Helbach, Politiker in’n Landdag, Börgermeester von Mäkelfeld (1946–1972) 1984: Hermann Meyer, eersten Börgermeester von Seevdaal (1972–1984) 1999: Hans Meyer-Sahling, 1972 bet 1994 Oortsbörgermeester von Emmelndörp/Metzendörp 2007: Hermann Maack, 35 Johre Gemeenraad, Oortsbörgermeester von Ohlendörp/Holtörp
Wapen un Flagg
Dat Wapen von de Gemeen wiest op grönen Grund baven en gollen Lööw, de na achtern kickt, un ünnen, afdeelt dör en sülvern Wellenlien, en sülvern Möhlensteen, de in 19 Delen deelt is un in de Midd en swart Möhliesen hett.
De Lööw steiht för Hinnerk de Lööw, den en Hoff in Hittfeld tohöört hett. De Wellenlien steiht för de Seev, dat Gröön för dat gröne Land in dat Daal von de Seev un de Möhlensteen mit de 19 Delen för de velen Möhlen in de Gemeen un de 19 Gemenen, ut de sik de hüdige Gemeen Seevdaal tohoopsett.
De Flagg is baven gröön, in de Midd gollen un ünnen wedder gröön un wiest op’n Middelstriepen dat Wapen.
Wertschap un Infrastruktur
Seevdaal billt mit sien Hauptoord Hittfeld en Middelzentrum för de Öörd in de Ümgegend.
Verkehr
Seevdaal is för den Autoverkehr good anbunnen. De Dörper Maschen (A250), Hittfeld (A1), Fleest un Ramßel (A7) hebbt all en Anslut för de Autobohn. An dat „Horster Dree-eck“ bi Host droopt sik de A7 un de A1, bi dat „Maschener Krüüz“ krüzt de A1 de A250.
De Dörper Hittfeld, Maschen un Mäkelfeld hebbt all enen Bohnhoff mit Anslut no Hamborg-Horborg. Annere Oorsdele sünd mit Busstreken verbunnen.
Kultur Bildung
Hittfeld un Mäkelfeld hett jeder en Grund- un Hööftschool, en Realschool un ok en Gymnasium. Grunnscholen sünd in Emmelndörp, Fleest, Host, Maschen un Ramßel.
Wat to bekieken is Rangierbohnhoff Maschen Hoster Möhl (Watermöhl vun 1529) Stiftskark Ramßelh Skulpturenpark der Gernot Huber-Stiftung in Ramßel Hittfelder Kark (Feldsteenkark ut dat dem 12. Johrhunnert)
Sport TuS Fleest HSG Seevedaal TSV Eintracht Hittfeld SC Seevedaal VfL Maschen ESV Maschen MTV Ramßel PBC Seevedaal e.V. - Poolbillard SV Emmelndörp TV Mäkelfeld Schützenvereen Moor TSV Over Bullenhúus Windsurfer Seevedaal e.V. Fischereevereen Mäkelfeld-Glüsen
Weblenken
Gemeen Seevedaal (Hoochdüütsch)
Footnoten
Kategorie:Landkreis Horborg Kategorie:Oort