Frauenburg (poolsch Frombork) is ene lütte poolsche Stadt bi’t Frische Haff in de Bezirk Ermland-Masuren. Se is an de Rebeet vun en ol Prussendorp buut wurrn. De Bischop vun´t Ermland trock 1242 vun Brunsbarg na Frauenburg. 1310 kreeg Frauenburg dat lübisch Stadtrecht vun de Bischop Eberhard vun Neisse. Twüschen 1329 un 1388 is ene groote Kathedrale buut wurrn. Frauenburg weer ene vun wenigen Städer in’t Ermland, in de Nederprüüßisk snackt wurrn is. In Frauenburg is de Histo’rsche Vereen vun´t Ermland, de nu in Mönster sitt, gründ´t wurrn. Frauenburg höört to de Niege Hanse mit to.
Kategorie:Woiwodschop Ermland-Masuren Kategorie:Oort