Esdörp is en Dörp in de Gemeen Esdörp in de Samtgemeen Olendörp-Himmelpoorten. Dat liggt in’n Landkreis Stood in Neddersassen.
Geografie
Dat Dörp liggt in’n Westen vun’n Landkreis Stood. In’n Noorden grenzt Esdörp an de Dörper Brobargen un Kronenborg. In’n Oosten liggt Olendörp, in’n Süden Beeß un Öölm un in’n Westen Gröpel un Schönau.
Dat Water ut Esdörp flütt över Gröpeler Möhlenbeek un Wiemelken na de Oost hen af.
Historie
Toeerst in de Oorkunnen dükert Esdörp 1111 ünner den Naam Esgkesthorp op.Hamburgisches Urkundenbuch. Band 1, Perthes-Besser, 1842, Sied 125
Vör 1885 weer dat Dörp Deel von de Böörd Olendörp binnen dat Amt Himmelpoorten. 1885 is de Oort denn Deel von’n Kreis Stood worrn un 1932 von’n Landkreis Stood.
1972 bi de Gemeenreform in Neddersassen is Esdörp mit de Gemenen Gröpel un Beeß to de ne’e Gemeen Esdörp tohoopfaat worrn.
Inwahnertall
Religion
Esdörp is evangeelsch-luthersch präägt un höört to dat Kaspel Olendörp.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Wapen
Dat Wapen wiest op grönen Grund en sülvern afhaut Boomstamm mit twee Aststümp op jede Sied.
De Stamm kummt ut dat Wapen vun de ehmaligen Herren von Esdörp.
Kultur
Verenen
De Schüttenvereen Esdörp is 1936 grünnt worrn un de Sportvereen MTV Esdörp 1926.
Weertschop un Infrastruktur
Verkehr
Dör Esdörp löppt de Landsstraat 114, de bi Himmelpoorten an de Bundsstraat 73 rangeiht, de denn na Stood un Hamborg wiederföhrt. Bi Öölm hett de L 114 Ansluss an de Bundsstraat 74 na Bremervöör. Lüttjere Straten gaht na Brobargen un Gröpel.
De nächste Bahnhoff is in Himmelpoorten an de Nedderelvbahn von Cuxhoben na Hamborg, wat so bi teihn Kilometer weg is.
Scholen
Esdörp hett mit de Grundschool Esdörp en egen Grundschool. Op Haupt- un Realschool gaht de Schölers na dat Schoolzentrum Olendörp un op Gymnasium na de Vincent-Lübeck-School in Stood oder na dat Gymnasium Bremervöör.
Ünnernehmens
In de Straat Wietstruk harr de Volksbank Freenbeek-Olendörp en Filiaal, de 2016 aver dichtmaakt hett.
Versorgung
Dat Afwater warrt siet September 1991 in dat Klärwark Gröpel klärt.http://www.twv-staderland.de/de/aeo/gebiet.html
Literatur
Friedrich Holst: Grupilinga und die Töchter, die Geschichte der Gemeinde Estorf. 1981
Footnoten
Kategorie:Oort Kategorie:Landkreis Stood