Grundolendörp () is en Dörp mit üm un bi 100 Inwahners in de Gemeen Obbens (Samtgemeen Obbens) in’n Landkreis Stood, Neddersassen.
Geografie
Grundolendörp liggt op de Stoder Geest mank de Holten Dohren un Heestern.
De Naveröörd sünd Nottensdörp in’n Noorden, Heendörp in’n Noordoosten, Buxthu in’n Oosten, Obbens in’n Süden, Ruschwedel in’n Süüdwesten un Bliersdörp in’n Noordwesten.
Historie
In’n Westen von’t Dörp, in’n Dohren liggt de Hünenbedden von Grundolendörp, en Anlaag von veer grote Hünenbedden von de Noordsche Megalitharchitektur.
Vör 1852 hett dat Dörp to dat Gericht Delm höört un weer denn von 1852 bet 1859 in dat Amt Hornborg. Denn is dat Deel von dat Amt Harsfeld worrn. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.
De Gemeen hett vör 1972 to de ole Samtgemeen Obbens höört. De is 1972 mit de Kommunalreform in Neddersassen oplööst worrn un Grundolendörp höört sietdem to de ne’e un gröttere Samtgemeen Obbens.
Inwahnertall
Religion
Grundolendörp is evangeelsch-luthersch präägt un höört to dat Kaspel Obbens.
Weertschop un Infrastruktur
Verkehr
Dör Grundolendörp löppt de Landsstraat 130, de in’n Noorden na Nottensdörp un bi Hornborg an de Bundsstraat 73 ranlöppt un in’n Süden na Obbens. Von Süüdwesten von Harsfeld löppt de Kreisstraat 26 dör Grundolendörp un denn in’n Noordoosten na Heendörp un an de Bundsstraat 73 ran. En lüttjere Straat geiht ans noch na Noordwesten na Bliersdörp.
Ver- un Entsorgung
För dat Afwater is de Stadtentwässerung Buxthu tostännig.
Literatur
Christian Fuhst, Gerhard Burfeind, Hans-Heinrich Ropers: Hedendorf und Grundoldendorf: Chronik zweier Dörfer und ihrer Familien. 2001
Footnoten
Kategorie:Oort Kategorie:Landkreis Stood