Mexiko (), amtlich Verenigte Mexikaansche Staten, (spaansch: ) is en Land in Noordamerika. Mexiko is dat nöördlichste Land in Latienamerika un grenzt in‘n Noorden an de Vereenigte Staten, in’n Süüdwesten an Belize un Guatemala. In’n Westen liggt Mexiko an de Pazifik, in’n Süüdoosten an de Kariebsche See un in’n Oosten an de Gulf vun Mexiko.
Mexiko is mit 1.972.550 km² groot un so de dörsteinst gröttste Staat op de Eer.
In Mexiko leevt up üm un bi 108.000.000 Minschen. Dat sünd 54,4 Inwahners/km². Hööftstadt vun Mexiko is Mexiko-Stadt mit 8,7 Million Inwahners, dorto noch mol 11 Million Lüüd in de Kuntreien dor ümto.
Vun de Inwahners in Mexiko sünd bi 60% Mestizen, 7- 30% Indianers (dat kann nich düütlich faststellt weern) un bi 9% stammt vun Europäers af. Afroamerikaners gifft dat meist gor nich.
Amtsspraak in Mexiko is Spaansch. 99% vun de Mexikaners könnt düsse Spraak snacken. Man vun 2003 af an gellt 62 Indianerspraken as Natschonaalspraken. Düsse Spraken warrt vun bi 7,1% vun de Inwahners vun Mexiko snackt. De beiden gröttsten dor mank sünd Nahuatl mit 1,7 Millionen Snackers un Mayathan mit bi 900.000 Snackers.
Minschen leven sied rund 10.000 Jahren in Mexiko. Mesoamerika gellt för ene Weeg vun de minschliche Zivilisatschoon mit velen groten Zivilisatschonen so as de Olmeken, Mayas, Zapoteken, Teotihuacan un Purépecha. 1521 begünn de spaansche Koloniaaltied, as de Spaniers de Azteken betwüngen un de Kolonie Nee-Spanien mit Tenochtitlan, nu Mexiko-Stadt, as Hööftstadt oprichten. De Sülverminen maken Nee-Spanien een wichtogen Deel in den transatlantschen Hannel. Na de napoleoonschen Kriegen op dat ibeersch Halfeiland, wunn Mexiko in de Unafhangigkeidskrieg 1821 siene Unafhangigkeid un dat eerste Kaiserriek Mexiko wurr grünnt, dat man gau tohoopbraken is, so dat korte Tied de eerste Republik Mexiko folgt is. 1848 verloor Mexiko enen groten Deel vun sien Territorium an de Verenigten Staten. Liberale Reformen ennen in enen Börgerkrieg, nadem dat twede mexikaansche Kaiserriek mit Maximilian I. vun Öösterriek as Kaiser grünnt worrn is. Een Opstand ünner Benito Juárez störten den Kaiser, so dat Porfirio Díaz as Diktater an de Macht keem. De Mexikaansche Revolutschoon beenn twüschen 1910 un 1920 de Diktatuur.
Mexiko is ene Bundsrepublik mit een präsidentschell Systeem. De Legislativ is de Kungress vun de Union mit twee Kamers, de Senaat, de de Bundsstaten reprasenteert, un dat Afoorntenhuus, dat de Lüüd repräsenteert. De Staat deelt sik in 32 Bundsstaten.
Dat Land liggt na de Tall vun UNESCO Weltarvsteden op de eerste Platz in Noord- un Süüdamerika un op de sevente Platz weltwied. Mexiko tellt to de aardenrieksten Länner op de Eer un is fievt aardenriekste Land weltwied. Na Mexiko kaamt man ook veel Touristen. 2022 weer dat Land mit 42,2 Millionen Besökers dat sösst meest besocht Land weltwied. Mexiko siene grote Weerdschopskraft, sien kulturell Inflood un bestännig Demokratie maakt dat Land ene regiobale Macht un globaal ene Middelmacht.
Bundsstaten
Naam Hööftstadt Johr grünnt Inwahners Rebeed Aguascalientes Aguascalientes 1835 1.312.544 5.625 km² Baja California Mexicali 1952 3.315.766 71.546 km² Baja California Sur La Paz 1974 712.029 73.943 km² Campeche San Francisco de Campeche 1857 899.931 57.727 km² Chiapas Tuxtla Gutiérrez 1824 5.217.908 73.681 km² Chihuahua Chihuahua 1824 3.556.574 247.487 km² Coahuila Saltillo 1824 2.954.915 151.445 km² Colima Colima 1857 711.235 5.627 km² Mexiko-Stadt - 1824 8.918.653 1.479 km² Durango Victoria de Durango 1824 1.754.754 123.367 km² Guanajuato Guanajuato 1824 5.853.677 30.621 km² Guerrero Chilpancingo de los Bravo 1849 3.533.251 63.794 km² Hidalgo Pachuca de Soto 1869 2.858.359 20.856 km² Jalisco Guadalajara 1824 7.844.830 78.630 km² México Toluca 1824 16.187.608 22.333 km² Michoacán Morelia 1824 4.584.471 58.667 km² Morelos Cuernavaca 1869 1.903.811 4.892 km² Nayarit Tepic 1917 1.181.050 27.862 km² Nuevo León Monterrey 1824 5.119.504 64.203 km² Oaxaca Oaxaca de Juárez 1824 3.967.889 93.343 km² Puebla Puebla de Zaragoza 1824 6.168.883 34.251 km² Querétaro Santiago de Querétaro 1824 2.038.372 11.658 km² Quintana Roo Chetumal 1974 1.501.562 42.535 km² San Luis Potosí San Luis Potosí 1824 2.717.820 61.165 km² Sinaloa Culiacán Rosales 1831 2.966.321 57.331 km² Sonora Hermosillo 1831 2.850.330 184.946 km² Tabasco Villahermosa 1824 2.395.272 24.747 km² Tamaulipas Ciudad Victoria 1824 3.441.698 80.148 km² Tlaxcala Tlaxcala de Xicohténcatl 1857 1.272.847 3.997 km² Veracruz Xalapa-Enríquez 1824 8.112.505 71.856 km² Yucatán Mérida 1824 2.097.175 39.671 km² Zacatecas Zacatecas 1824 1.579.209 75.416 km²
Kiek ook bi
Städer in Mexiko
Literatuur Helmut Hermann, Dorit Heike Gruhn: Reise Know-How Mexiko kompakt. 5. Oplaag. Builefeld: Reise Know-How Verlag Peter Rump, 2023, ISBN 978-3-89662-317-1. Gerhard Heck, Manfred Wöbcke, Thomas Bassen: DuMont Reise-Handbuch Reiseführer Mexiko. 5. Oplaag. Ostfildern: DuMont Reiseverlag, 2023, ISBN 978-3-7701-8199-5. Barbara Schröter (Ruutgever): Das politische System Mexikos. Wiesbaden: Springer VS, 2014, ISBN 978-3-531-19688-6. Anne Huffschmid: Mexiko – das Land und die Freiheit. Zürich: Rotpunktverlag, 2010, ISBN 978-3-85869-427-0. Frank Jacob, Riccardo Altieri (Ruutgever): Das Moderne Mexiko. Von Unabhängigkeitskampf und Revolution. New York: ALTIJA (Egenverlag), 2016. Klaus-Jörg Ruhl, Laura Ibarra Garcia: Kleine Geschichte Mexikos: Von der Frühzeit bis zur Gegenwart. 2. Oplaag. Mönken: C.H. Beck, 2007, ISBN 978-3-406-42166-2. Stefan Rinke: Conquistadoren und Azteken. Cortés und die Eroberung Mexikos. Mönken: C.H. Beck, 2019, ISBN 978-3-406-73399-4.
Weblenken
Offitschelle Websteed vun de mexikaansche Regeren (spaansch) Offitschelle Websteed vun de mexikaanasche Präsident (spaansch) Lännerinformatschoon – Mexiko vun dat düütsche Butenamt (hoogdüütsch) Düütsche Boodshop in Mexiko (düütsch un spaansch)
Maps of Mexico – Online-Landkaarten un Stadplaans vun Mexiko Lännerprofil vun dat Statistisch Bundsamt
Footnoten
Kategorie:Land Kategorie:Mexiko Kategorie:Middelamerika