De Demokraatsche Republiek Kongo (Uutsprake , ), kort ook DR Kongo, is en Land in Afrika, de Hööftstadt is Kinshasa. Bet 1960 hett dat Land to Belgien as de Kolonie Belgisch-Kongo tohöört. Vun 1971 bit 1997 weer de Naam vun dat Land Zaïre. Dat grenzt vun Noord in’n Klockenwiesersinn an de Zentraalafrikaansche Republiek, de Sudan, Uganda, Ruanda, Burundi, Tansania, Sambia, Angola un de Republiek Kongo. DR Kongo is dat drüttgröttste Land in Afrika met 2.345.411 km² un is 6,6 mol groter as Düütschland. In’n Juli 2005 harr de DR Kongo 60.764.490 Inwahners. Na Inwahners berekent, is de DR Kongo dat veertgröttste Land in Afrika. De Demokraatsche Republik Kongo schall nich dör’nanner kregen weern mit de Republik Kongo, dat vörmolige Franzöös’sch-Kongo, wat wieter na Westen to liggen deit.

Geografie De Demokraatsche Republik Kongo ward to Zentraalafrika torekent un liggt op de Äquater. Bummelig 60 % vun dat Land ward vun de Regenwoold vun dat Kongobecken afdeckt. De höögste Barg is de Margherita Peak (5109 m).

De längste Stroom in’t Land is de Kongo met 4374 km. De Kongolesen nöömt em ok „Stroom de alle anneren Strooms opfritt“.

Inwahners duum|links|Demografie: Wie dat vun 1961 bit 2003 mit de Inwahners vun de DR Kongo bargup gahn is. (nah de FAO, 2004). Inwahners in Dusenden.

Dat gifft twölf grote Volksgruppen in dat Land. De deelt sik nu wedder in bi 240 lüttjere Gruppen up. De gröttsten Gruppen sünd de Bakongo, de Mongo, de Baluba un de Lunda. Se höört to de Bantu-Völker, de bi 80 % vun de Inwahners utmaken doot. 15 % stammt vun de Sudangruppen af. Se finnt sik sunnerlich in’n Noorden. Minnerheiten sünd de Niloten in’n Noordoosten un de Pygmäen un de Hamiten in’n Oosten. De witten Nakamen vun de Europäers, tomeist Belgiers, hefft bit an dat Enne vun de 1960er Johren meist alltosamen dat Land verlaten. 2005 hett de DR Kongo 60,7 Mio. Inwahners harrt. 2008 sünd dat al 66,5 Mio. ween. In de lesten Johren sünd unbannige Massen vun Flüchtlingen dör dat Land tagen. De Inwahners leevt sunnerlich in de Bargbo-Kuntreien vun Katanga un an den Unnerloop vun den Kongo-Stroom. 30 % vun jem leevt in Städer. In’n Dörsnitt weert de Mannslüde in de DR Kongo bi 49,7 Johre oolt, bi Froenslüde is dat 52,3 Johre.

Spraken duum|links|Wo de wichtigsten Spraken snackt weert. De Kongo is en Land, dat linguistisch bannig verscheeden is, överaalns gifft dat mehr as 200 Spraken. De wichtigste Spraak is de Amtsspraak Franzöösch, dat vun de Belgiers in’t Land bröcht wöör. De Kongolesen kiekt Franzöösch as ethnisch neutraal an un bruukt dat vör allens bi’t snacken met Liddmaten vun annere Stammesgruppen. Franzöösch ward man nich vun de Mehrheit vun de Inwahners as Muddertaal snackt. De veer wichtigsten afrikaanschen Spraaken sünd Lingala (verstaht bi 50 % vun de Inwahners), Kikongo (verstaht bi 30 %), Kiswahili ((„Suaheli“, verstaht bi 10 %) un Tschiluba. Se weert as „Natschonalspraken“ ankeken.

Religionen Dat Königriek Kongo is al an’t Enne vun dat 15. Johrhunnert christlich wurrn. Dor is dat en vun de eersten christlichen Staten in Afrika mit. Vun de fröhen 1970er Johren af an fiert de Röömsch-kathoolsche Kark in de DR Kongo ehre Gottesdensten na en egen, so nömmten Zair’schen Messritus. Dor sünd allerhand afrikaansche Elementen mit in upnahmen. De unafhängige Afrikaanschen Karken vun de Kimbanguisten hett twuschen 5 Mio. un 10 Mio. Anhängers.Harenberg Aktuell 2008, Siete 622, Mannheim 2007 un Fischer Weltalmanach 2008, Siete 285, Frankfort/Main 2007 Religion Anhängers Prozent Röömsch-kathoolsche Kark 25.841.930 42 % Protestantismus 14.682.915 mehr as 30 % Kimbangismus ca. 3.523.890 mehr as 10 % Islam --- üm un bi 5 %Dat Utwärtige Amt över de Demokraatsche Republiek Kongo Animismus un Naturreligionen (un Synkretismus) --- um un bi 10 %

Weertschop Ofwoohl dat Land een vun de bodenschattrieksten Länner op de Eer is, is dat ok een vun de poversten Länner. Dat Land is vun Missweertschop un Kriegen to Grund richt worden. Vun 1960 (dat Enn vun de Kolonisatschoon dör Belgien) bit 1985 is de Volksweertschop dörsnittlich blots üm 1 % wossen. Vun 1985 is de Weertschop gor nich mehr wossen.

Belegen

Literatur Julien Bobineau, Philipp Gieg, Timo Lowinger (Hrsg.): Handbuch Demokratische Republik Kongo. Geschichte, Politik, Gesellschaft, Kultur. Frank & Timme, Berlin 2024, ISBN 978-3-7329-0434-1. Tom Burgis: Der Fluch des Reichtums – Warlords, Konzerne, Schmuggler und die Plünderung Afrikas. Westend, Frankfurt 2016, ISBN 978-3-86489-148-9. Dominic Johnson: Kongo. Kriege, Korruption und die Kunst des Überlebens. 2., aktualisierte Auflage. Brandes & Apsel, Frankfurt am Main 2009, ISBN 978-3-86099-743-7. Lara Jüssen: Kriegsökonomie in der Demokratischen Republik Kongo. Tectum Verlag, Marburg 2007, ISBN 978-3-8288-9327-6. Kalala Ilunga Matthiesen: Die Demokratische Republik Kongo – Eine Analyse aus staatstheoretischer, verfassungsrechtlicher und völkerrechtlicher Sicht. Hamburg/Münster 2005, ISBN 3-8309-1459-8. David Van Reybrouck: Kongo: Eine Geschichte. Suhrkamp, Berlin 2012, ISBN 978-3-518-42307-3. Dieter H. Kollmer, Bernhard Chiari (Hrsg. im Auftrag des Militärgeschichtlichen Forschungsamtes): Wegweiser zur Geschichte: Demokratische Republik Kongo. 3., überarbeitete Auflage. Paderborn/München/Wien/Zürich 2008, ISBN 978-3-506-75745-6, (PDF; 4 MB)

Weblenke

Offitschelle Webstède van’n Präsidenten van D.R. Kongo (fransch) Butenamt (D): Demokratische Republik Kongo. up www.auswaertiges-amt.de United Nations: United Nations Statistics Division. Democratic Republic of the Congo. up www.data.un.org (engelsch). The World Bank: Countries. Democratic Republic of Congo. up www.worldbank.org (engelsch). US-Government: CIA World Fact Book. Congo, Democratic Republic of the. up www.cia.gov (engelsch). Electoral Institute for Sustainable Democracy in Africa: African Democracy Encyclopaedia Project: Democratic Republic of Congo. up www.eisa.org (engelsch). WHO: Democratic Republic of Congo. up www.afro.who.int (engelsch). UNHCR: Democratic Republic of the Congo. up www.unhcr.org (engelsch). Minority Rights Group International: Democratic Republic of the Congo. up www.minorityrights.org (engelsch). UNCTAD: Catalogue of Diversification Opportunities 2022. Dem. Rep. of the Congo. up www.unctad.org (PDF, engelsch). CongoForum – aktuelle Narichten uut DR Kongo (fransch, nederländsch)

Kategorie:Land Kategorie:Afrika Kategorie:Demokraatsche Republiek Kongo