mini|Fred Ramsdell (2025) Frederick J. „Fred“ Ramsdell (* 4. Dezember 1960 in Elmhurst, Illinois) is en US-amerikaansch Immunoloog.
Leven un Loopbahn Ramsdell kreeg 1983 an de University of California, San Diego en Bachelor in Biologie un 1987 an de University of California, Los Angeles en Ph.D. in Immunologie. As Postdoktorand hett he an de National Institutes of Health arbeit. Ramsdell gung dornah in de industrielle Forschung. He weer ünner annern in leitend Funktschoon bi de Biotechnologieünnernehmen Celltech, ZymoGenetics, Novo Nordisk un aTyr Pharma tätig. Af Anfang 2016 weer Ramsdell Forschungsleiter an dat Parker Institute for Cancer Immunotherapy in San Francisco. Aktuell (Stand 2025) höört he to den wetenschaplich Biraat vun SonomaBio.
Ramsdell hett dat Forkhead-Box-Protein P3 (FOXP3) bi bestimmt Müüs un bi Kinner mit IPEX, en swoor Autoimmunerkrankung faststellt. FOXP3 speelt en entscheeden Rull bi de Entwicklung vun de regulatorische T-Zelle. Wiederen Arbeiten befaaten sück mit Sclerostin, en Regulatschonsprotein vun den Knakenstoffwessel un Teelmolekül vun en mögelk Osteoporose-Therapie.
För „seine Entdeckungen in Bezug auf regulatorische T-Zellen, die schädlichen Immunreaktionen bei Arthritis und anderen Autoimmunerkrankungen entgegenwirken“, kreeg Ramsdell 2017 gemeensam mit Shimon Sakaguchi un Alexander Rudensky den Crafoord-Pries för Polyarthritis-Forschung. För 2025 wurr hüm för „Entdeckungen zur peripheren Immuntoleranz“ de Nobelpries för Medizin tospraken (gemeensam mit Mary Elisabeth Brunkow un Shimon Sakaguchi).
Wat he herutbrocht hett (Utwahl)
Weblinks
Grünnensgeschichte vun SonomaBio (mit Biographie vun Ramsdell)
Enkeld Nahwiesen
Kategorie:Mann Kategorie:Börger von de USA Kategorie:Boren 1960 Kategorie:Immunoloog Kategorie:Nobelpriesdräger (Medizin)