Richard Giese (* 2. Februar 1890 in Warlow; † 5. April 1965 ok dor) wier een plattdütschen Heimatdichter ut de Griese Gägend.
Läwen Richard Geise besöcht dei Volksschaul in sienen Heimåtdörp. Hei güng den up dat Schaulmeistseminår in Niekloster. Von 1909 arbeid hei as Schaulmeister in Wöbbelin, Warlow un von 1912 in Rostock, wo hei bet 1926 läw. En Johr arbeid hei as Schaulmeister in Laag’, bevör hei 1927 in Penschon güng. Hei keem nå Warlow trügg un arbeid as Schriewer. In’n glieken Johr kemen siene iersten Gedicht in’n Mecklenburgischen Monatsheften. 1929 frie hei. As dei Tweite Weltkrieg utbråken is, is hei tau’n Deinst verplicht worrn. Na’n Krieg arbeid hei von 1949 wedder as Schaulmeister in Warlow un Ludwigslust. 1948 keem in enen Hamborger Verlag en Bauk Zwei Jahresringe mit hog- un plattdütschen Gedicht rut. In’n 1950er kemen ene Reeg Geschichten un Gedichten von Giese in Tiedschriften rut. 1958 güng Giese wedder in Penschon, 1965 bleew hei in Warlow dod. 1989 bröcht dei Verlag Hinstörp en Sammelband von sienen Gedichten un Prosa rut.
Giese sien Geburtshus in Warlow steit ünner Denkmålschutz, ok sien Graw liggt dor up’n Dodenhoff.Landkreis Ludwigslust, , Stand Mai 2011.
Wark
Zwei Jahresringe : Hochdeutsche u. plattdeutsche Gedichte, Hermes-Verlag Hamborg 1948 In Holt un Heid' ... : Gedichte und Prosa, Hinstörp Verlag Rostock 1989, ISBN 3-356-00246-5
Literatur
Hartmut Brun, Richard Giese, der "Dichter der Griesen Gegend", In: Griese Gegend: Sagen und Geschichten, Sitten und Bräuche. Swerin: Demmler, 1992, S. 75–80. Hartmut Brun, Vorwort zu: Richard Giese, In Holt un Heid' ... : Gedichte und Prosa, Hinstörp Rostock 1989, ISBN 3-356-00246-5
Kiek ok bi
List von plattdütschen Schriewers
Weblenk
Fautnoten
Kategorie:Mann Kategorie:Storven 1965 Kategorie:Boren 1890 Kategorie:Börger von Düütschland Kategorie:Schriever Kategorie:Schoolmeester Kategorie:Plattdüütsch