Züsow is ene Gemein in’n Nuurdoosten von den Landkreis Nuurdwestmäkelborg in Mäkelborg-Vörpommern. Dat Amt Niegenklooster-Warin mit Sitt in de Stadt Niegenklooster verwalt de Gemein.
Geografie De Gemein Züsow liggt in enen Endmoränenrebeed an de 15 Kilometer oosten von Wismer un is von enen groten Wooldrebeed ümgäven. In den Ellernbröken ümto is noch de schuult Sonnendau to finnen. De Passbarg an’n Nuurdrand von de Gemein liggt 110 m över NHN.
De Navergemeinen sünd Krienerland in’n Nuurden, Passee in’n Nuurdoosten, Glasin in’n Oosten, Niegenklooster in’n Süden, Benz in’n Westen sowie Nieborg in’n Nordwesten.
Tau Züsow hüürt de Dörp Ollen Tollow, Bäbelin, Teplitz, Tollow un Wakendörp.
Historie Den 1. Juli 1950 keem de tauvör sülststännige Gemein Tollow tau de Gemein Züsow. Seinswierts
De gootsche Dörpkirch Bäbelin uut den 15. Jaarhunnerd is ene lütte Saalkirch mit twee Jücken uut Back- un Feldstein mit enen Chor mit ⅝-Slutt. De dwarsstellt, niegootsche Westtoorn is uut dat Jaar 1872. Kriegerdenkmaal in Züsow Swedenstein, een groten Findlingsblock
Wierdschop un Infrastruktur Hüüd arbeiden in Züsow ene Bufirma, ene Rinneranlaag, een Holbedriev, Metallbedrieven, een Teekontoor, ene Brandschutz-Firma un dat Textilünnernämen M.S. Nordwolle.
Verkihr De Bundsautobahn 20 führt man een paar Kilometer an Züsow vörbi (Upfaarten in Zurow un Niegenklooster). De Gemein liggt an de Verbinnstraat von Wismer över Satow na Rostock, de parallel to dei Autobahn löpptt. De dichtste Bahnhof bliggt in Nieborg.
Weblenken