Matten Has’, ook Lütt Matten de Haas oder Lütt Matten, de Has schreven, is ene Fabel, de Klaus Groth dicht het un as een Volksleed bekannt worrn is.
Inhoold De lütte Haas Lütt Matten het Spaaß an’t Danzen. Ümdat he nüms finnen kann, de mit em danzen will, danzt he alleen to de Musik vun ene Kreih, de Fiddel speelt. Reynke de Vos süüt den Haas danzen büdt sik as Danzpartner an. de troschüllige un lichtglöövsche Haas Lütt Matten nimmt den Voss sien Anbodd an un givt den Voss sde Poot to’n Danzen. De achtertücksche Reynke avers bitt den Haas dood un freet em op. Ook de Kreih kriggt een Deel to’n Freten af.
Text Originaltext von Klaus GrothLütt Matten de Has’ De mak sik en Spaß, He weer bi’t Studeern Dat Danzen to leern, Un danz ganz alleen Op de achtersten Been.
Keem Reinke de Voß Un dach: das en Kost! Un seggt: Lüttje Matten So flink op de Padden? Un danzst hier alleen Oppe achtersten Been?
Kumm, lat uns tosam! Ik kann as de Dam! De Krei de spȩlt Fitel, Denn geit dat canditel, Denn geit dat mal schön Op de achtersten Been!
Lütt Matten gev Pot: De Voß beet em dot; Un sett sik in Schatten, Verspis’ de lütt Matten, De Krei de kreeg een Vun de achtersten Been.
Melodie mit Text Born:
„Sing man to“ – Hrsg. Detlef Dreessen, ISBN 978-3-939993-06-3, S. 114
Interpretatschonen Dat Gedicht Matten Has’ hebbt de düsse Singers un Musikgruppen speelt:
Fritz Bultmann Fiede Kay Hannes WaderTitel uut dat Album Plattdeutsche Lieder De Plattfööt Gruppe „Rohrstock“
Skulptuur duum|Bronzskulptuur „Lütt Matten, de Has“ vun Walther Preik an dr Överrpromenaad in Woren an de Müritz Na de Fabel scheep Walther Preik de Bronzplastik Lütt Matten, de Has, de an der Överpromenaad vun Woren an de Müritz steht.
Weblenken
„Lütt Matten De Haas“ op YouTube, opropen den 8. März 2020
Footnoten
Kategorie:Plattdüütsch Kategorie:Fabel Kategorie:Poesie Kategorie:Leed