Arlewatt (, , ) is en Gemeen mit 347 Inwahners in dat Amt Noordsee-Treen in’n Kreis Noordfreesland in Sleswig-Holsteen.
Geografie Navergemenen De Navergemenen sünd Ahrenshööft in’n Noorden, Ollerup in’n Oosten, Horsteed in’n Süüdwesten un Hattstedermasch in’n Westen. Laag Arlewatt liggt an de Övergang vun de Natuurruum Breedsteed-Husumer Geest na Noordfreesche Masch an dat süüdlich Över vun de Arlau noorden vun Husum. De Stroom is de Noordgrenz vun de Gemeen. Öörd To de Gemeen höört dat Dörp Arlewatt, de Hoff Arlewatthoff un de Wohnplätz Arlewattfeld un Arlewatt-Heid.Wohnplatzverzeichnis Schleswig-Holstein 1987. (PDF) Statistsch Landsamt Sleswig-Holsteen, 1992, S.nbsp;33, opropen den 8. September 2021.Aasbüttel - Bordesholm. In: Wolfgang Henze (Hrsg.): Schleswig-Holstein-Topographie: Städte und Dörfer des Landes. Band 1. Flying-Kiwi-Verl. Junge, Flensburg 2001, ISBN 3-926055-58-8, S. 101.
Historie
Arelwatt stünn 1466 dat eerste Maal in’n Oorkunnen. De Naam bedüdt „Fort an de Arlau“.Wolfgang Laur: Historisches Ortsnamenlexikon von Schleswig-Holstein, 2. Auflage, Neumünster 1992, S. 130
De ole Borg Arlewatt is in de tweden Halv vun dat 16. Johrhunnerd opricht worrn. 1626 het de Hartogin Augusta dat Good köfft un umboot. De Borg kreeg so in de Volksmund de Naam „Rode Huus“ oder „Grieshuus“. Dat Good weer dat Vöörbild för Theodor Storm sien Novell . Vundaag steiht alleen noch de 1735 opricht Haubarg.
In dat Hartogdom Sleswig weer Arlewatt een Deel vun dat Kaspel Ollerup () binnen de Südergoesharr. Den 22. September 1867 het Preußen in de Provinz Sleswig-Holsteen de Landgemenen inricht. In dat Rebeed, wat vundaag de Kreis Noordfreesland is, het Preußen de olen Kaspellen as Kaspelllandsgemenen övernamen. Arlewatt weer Deel vun de Kaspellandsgemeen Ollerup, de op den 1. April 1934 oplööst worrn is. Alle Dörpschoppen, Dörpgemenen un Buurschoppen sünd egenstännig worrn, so ook Arlewatt.Statistsch Landsamt Sleswig-Holsten (Ruutgever): Die Bevölkerung der Gemeinden in Schleswig-Holstein 1867–1970. Statistisches Landesamt Schleswig-Holstein, Kiel 1972, S. 251.
Wapen Dat Wapen wiest över blauen Wellenschildfoot in Gold en roden Haubarg, begleit baven rechts vun en roden Ploog un baven links von en licht schraat stellt Lee.
Footnoten
Weblenken
Websteed vun de Gemeen (hoogdüütsch)
Kategorie:Kreis Noordfreesland