Piatkowski & Rieck, ook Piatkowski/Rieck, weer ein plattdüütsch Folkduo uut Mäkelnborg, dat twüschen 1975 un 1993 bestünn un sik uut Joachim Piatowski, de uut Borg bi Meideborg keem, un Wolfgang Rieck uut Mäkelnborg tohoopsett het.
Historie In’n Harvst 1975 grünnen Piatowski un Rieks in Rostock de Grupp Piatowski & Rieck. Tauvöör harrn se in den Rockstocker Singeklub KuBA tau’n Bispääl süüdamerikaansche Leder upfäurt. Beid studeren daar an de Universität Rostock un maken bitau ene musikaalsche Lier. Rieck as Singer un an de Gitarr, Piatowski as Singer, an de Gitarr un Klavier. Se maken miermaals bi de Chansondaag’ in dat Klooster Michaelsstein mit.
1980 maken Piatkowski & Rieck – vermiddelt vun Hans-Joachim Theil vun dat Mäkelnborger Folklorezentrum – bi dat Projekt Plattdütsch gistern un hüt mit, wat ene Uutwaal plattdüütsche Text weer.Plattdütsch gistern un hüt. Discogs.
1983 keem eer ierste Langspäälplaat bi de Platenfirma Amiga ruut. Plattdeutsche Lieder. De Leder weren meist traditschonelle plattdüütsche Leder nee vertoont. Wecke Leder stammen uut dat Projekt Du schläfst, Land Mecklenburg, bi dat Piatowski un Rieck Text un Leder uut de Tied üm de düütsche Revolutschoon von 1848 sammelt harrn. Twei Jaar na dat eerste Album, harrn de den iersten Uptridd in de Bundsrepublik Düütschland, 1987 kregen se in dat neddersassische Bemsen den Bad-Beemsen-Pries för besünner Interpreatschonen op den Rebeed von dat nedderdüütsch Leed. In dat glieke Jaar keem de tweide LP Utkiek ruut. As drüdde Musiker maak ook Fred Saupe (Tuba, Akkordeon) un an de 35 Gastmusikers, daarmang de Bläsergruppen un de E-Gitarist Gisbert Piatowski mit. Dat Album het allein niege Kompositschonen, de grote Deil von de Musikers sülven, ein lütten Diel man ook von Woody Guthrie un Helmut Debus.
1991 keem de ierste CD vun dat Duo ruut: Old Meklenburg for Ever. Kort daarup hen besloot Piatowksi as Dokter to arbeiden. Rieck maak 1992 in de Folkband Liederjan wieder. Bet 2001 bleev he in de Band un maak sied 2002 eigen Musik un givt Semianren.
Stil De Leder vun Piatowski & Rieck sünd kunstvull tohoopsett. De grote Deil het einen iernsten Achtergrund un befaat sik mit Themen so as Kried, Afscheed. Ein lütteren Deil sünd fröliche Leder, ein Deil ook Spottleder.
Pries
1979: Häuvdpries von de Minister för Kultuur bi den 5. Tagen des Chansons der DDR 1980: Goldmedaille bi den <i>Arbeiterfestspielen</i> 1985: Kultuurpries von de Stadt Rostock 1987: Bad Bemsen-Pries 1988: Kultuurpries von de Bezirk Rostock
Diskografie
Langspäälplaten
1980: Plattdütsch gistern un hüt (Litera), . 1983: Plattdeutsche Lieder (Amiga), 1987: Utkiek (Amiga),
CD
1991: Old-Meklenburg for Ever,
Kiek ook bi List vun plattdüütschen Singers un Musikgruppen
Nettverwiesen
Bandgeschichte auf Wolfgang Riecks Website Piatkowski & Rieck bei Ostfolk.de
Footnoten
Kategorie:Plattdüütsch Kategorie:Musikgrupp