Nessie Kossen mit vullem Naam Vanessa Kinuko Kossen (* 1981 oder 1982 in Berlin-Charlottenborg) is ene düütsche Journalistsche un Feernseenmoderatersche, de hoogdüütsch un plattdüütsch Programm modereren deit.
Leven Kossen is in Berlin-Charlottenborg op de Welt kamen. Nadem dat eer Familie na Höltinghusen in dat Ollenborger Mönsterland trocken weer, is se daar opwassen. In de Familie hebbt se Plattdüütsch un Hoogdüütsch snackt.
Kossen het Kultuuranthropologie an de Universität Hamborg studeert un is 2009 een Volontariaat bi’n Noorddüütschen Rundfunk anfungen. Vele Jaren lang weer se Sprekersche bi den Narichten op Platt op den den Radiosenner NDR 90,3. Vun 2014 an weer Kossen de Moderatersche bi Hallo Niedersachsen op Platt un weer ook Reportersche för Peersport bi’n Sportclub un de Sportschau. 2015 weer se bi’n Bremer Fernsehpreis as „Beste Moderatorin/Bester Moderator“ nomineert. Vun 2018 bet 2021 het se ook dat Magazin Mein Nachmittag op NDR modereert un 2020 ook Pfote sucht Körbchen. Se weer tohoop mit Thilo Tautz ook in de Reis-Reportage Unterwegs auf der Luftlinie un in de Dokumentatschoon Ackern für Norddeutschland to seen. Sied 2022 is se Moderatersche för dat plattdüütsche Magazin De Noorden op Platt.
Weblenken
Nawiesen
Kategorie:Fru Kategorie:Börger von Düütschland Kategorie:Plattdüütsch Kategorie:Journalist Kategorie:Moderator Kategorie:NDR Kategorie:Feernsehn