Wir fahren mit der U-Bahn nach St. Pauli is een plattdüütschen Kummediefilm vun Claus Muras, as Speelbaas, Dreibookschriever un Produzent mit de Laienschauspeler vun de Döser Speeldeel uut Cuxhoben un den bekannten Ohnsorgschauspeler Otto Lüthje.
De Film harr den 22. Oktober 1970 siene Premiere in dat Cuxhobener Bali-Filmtheater un is ans in een paar anner Kinos upföhrt worrn. De Kummedie kann woll för den eersten plattdüütschen Film in de düütschen Kinos gellen.Marcus Buck: Plattdeutsche Filme, op plattmakers.de, upropen den 10.12.2024. (Archiv)
Afloop De Rahmen vun den Film is, dat de Laienschauspelers vun de Döser Speeldeel dat Stück Hunnertdusend Piepen vun Frank Boyss up de Bühn bringen wüllt. As se dat Stück vörbereiden, warrt nu twee Kuffers vertuuscht un de Laienschauspeler vun’t platte Land mööt sik up den Weg na de Grootstadt Hamborg in den Stadtdeel St. Pauli un op de Reeperbahn, wo se Otto Lüthje aa Reeperbahnföhrer tomöötkaamt, maken, dat se amenn eren Kuffer wedder torügghalen köönt.
Kritiken De Kummedie is de Versöök een plattdüütsch Theaterstück in den slichten Stil vun dat Volkstheater up de Lienwand to bringen. De Kritik beteken dat as enen bescheiden Versöök, de alleen Leevhebbers vun plattdüütsch Theater un deftig Humoor ünnerhöllt.
Kiek ook bi
List vun plattdüütsche Films un TV-Serien
Weblenken
Nawiesen
Kategorie:Film Kategorie:Plattdüütsch Kategorie:Film ut dat Johr 1970