Les seins de glace (düütsch: Eiskalt wie das Schweigen) is en franzöösch-italieensch Film noir van 1974, de up den Roman Someone Is Bleeding vun den US-amerikaanschen Schriever Richard Matheson van 1953 foot.
Handlung De Schriever François Rollin söcht Inspiratschoon an en Strand an de Côte d’Azur. Dor draapt he en mysteriöös jung Fru, Peggy Lister, de hüm an de Heldin vun sien Roman erinnert. He verleevt sück sofort in de Fru un wull hör gern beter kennenlehren, moot aber faststellen, dat se ünner den Schuuk vun den mächtigen, inflootrieken Afkaat Marc Rilson un de sien Handlangern steiht. De seggt hüm sluutend, dat Peggy hörn Mann, en Drogendealer, ümbrocht hett, aber nich wegen Mord veroordeelt, sonnern freespraaken wurr, wiel mehrere psychiatrische Gootachter to den Sluss keemen, dat se geisteskrank weer.
Rollin glöövt doran aber nich, tomal ok Rilson in Peggy verleevt is un sogor seggt, dat se hör heiraaten wull. Peggy versöcht sluutend, mit Rollin to flüchten. Kört dornah passeeren wiedere Morde.
Kritiken De Filmdeenst meent: „Ein Film, der sich durch mangelnde Motivation und psychologische Oberflächlichkeit weitgehend um Spannung und Atmosphäre bringt.“filmdienst.de Dat Heyne-Film-Lexikon oordeelt, dat de Film en „recht oberflächlich inszeniertes Drama“ is un bewert hüm mit dree vun fiev mögelk Steerns.Lothar R. Just, Heyne Filmlexikon. 10 000 Filme aus 100 Jahren Filmgeschichte, München: Wilhelm Heyne Verlag 1996, S. 208f.
Weblinks
Online Filmdatenbank Indrag Düütsch Synchroondatei cinema
Enkeld Nahwiesen
Kategorie:Film ut dat Johr 1974