mini|John Hopfield (2016) John Joseph Hopfield (* 15. Juli 1933 in Chicago) is en US-amerikaansch Physiker, Molekularbioloog un Neurowetenschapler. He is vör allen dör sien Utfinnen vun en Assoziativ Neuronal Nett (Hopfield-Nett) 1982 bekannt. Hüm wurr 2024 de Nobelpries för Physik tospraaken.
Leven Hopfield is de Söhn vun en Physikerehepaar. Sien Vader weer de poolsch-amerikaansch Spektroskopiker John Hopfield (1891–1953).
He hett an dat Swarthmore College studeert (Bachelor-Afsluss 1954) un wurr 1958 an de Cornell University bi Albert Warner Overhauser mit de Arbeit A Quantum-Mechanical Theory of the Contribution of Excitons to the Complex Dielectric Constant of CrystalsJohn Hopfield in dat Mathematics Genealogy Projct promoveert. Dornah weer he bit 1960 an den Bell Laboratories, 1960/1 Forscher an de École normale supérieure, af 1961 Assistant Professor an de University of California, Berkeley un af 1964 Professor för Physik an de Princeton University. Van 1980 bit 1997 weer he Perfesser för Chemie un Biologie an dat California Institute of Technology un af 1997 wedder (Howard A. Prior-) Perfesser in Princeton, ditmal för Molekularbiologie. Dorneben weer he van 1973 bit 1989 Liddmaat vun de Bell Laboratories. Hopfield hett sück ünner annern mit Fastkörperphysik (Theorie vun de Exzitonen un Polaritonen), Elektronentransfer in biologischen Makromolekülen, Fehlerkorrektur in de Molekularbiologie un mit de Physik vun neuronalen Nettwarken un emergenten kollektiven Bereknungen in sückse Nettwarken befaat.
1962 bit 1964 weer he Sloan Research Fellow un 1969 as Guggenheim Fellow an dat Cavendish-Laboratorium in Cambridge. 1983 bit 1988 weer he MacArthur Fellow. 1969 wurr he Fellow vun de American Physical Society (APS) un kreeg den Oliver E. Buckley Condensed Matter Prize as ok 1985 den Biophysik-Pries vun de APS. 1988 kreeg he den Michelson-Morley-Award vun de Case Western Reserve University un 1991 wurr he kalifoornsch Wetenschapler vun dat Johr vun dat California Museum of Science and Industry. För sien Arbeiten över neuronale Nettwarken kreeg hhe buterdem 1997 den Neural Network Pioneer Award der IEEE un 1999 den International Neural Network Society Helmholtz Award. 2001 folg de Dirac-Medaille vun dat International Centre for Theoretical Physics (ICTP) in Triest. Hopfield is Liddmaat vun de National Academy of Sciences, de American Academy of Arts and Sciences un de American Philosophical Society. 2006 weer he Präsident vun de American Physical Society. 2005 kreeg he den Albert Einstein World Award of Science. För 2019 wurr hüm de Benjamin Franklin Medal (Franklin Institute) tospraaken. 2022 wurr he mit de Boltzmann-Medaille uttekent.Boltzmann-Medaille 2022 2024 wurr hüm, tosommen mit sien Kolleeg Geoffrey Everest Hinton, de Physik-Nobelpries tospraaken.
Weblinks Homepage vun John Hopfield an de Princeton University John J. Hopfield In: Physics History Network. American Institute of Physics (engelsch)
Enkeld Nahwiesen
Kategorie:Mann Kategorie:Börger von de USA Kategorie:Boren 1933 Kategorie:Molekularbioloog Kategorie:Physiker Kategorie:Nobelpriesdräger (Physik)