mini|hochkant|Telesphore Placidus Toppo (2017) mini|hochkant|Dat Kardinalswappen vun Toppo Telesphore Placidus Kardinal Toppo (* 15. Oktober 1939 in Chainpur; † 4. Oktober 2023 in Ranchi) weer en indisch Geistlicher un röömsch-kathoolsch Arzbischop vun Ranchi.
Leven Telesphore Placidus Toppo wurr 1969 in Himmelried to’n Preester weeht. Wiedere Studien hemm hüm an de Päpstliche Universität Urbaniana in Rom führt. Nah eenig Johren in de Seelsörg un in’n Hoochschoolldeenst wurr he an’n 8. Juni 1978 to’n Bischop vun Dumka beropen. An’n 7. Oktober vun dat sülvige Johr wurr he dör Arzbischop Pius Kerketta to’n Bischop weeht. 1984 hett Paapst Johannes Paul II. to‘n Koadjutorarzbischop nöömt, een Johr later denn to’n Arzbischop vun Ranchi. 2003 wurr Toppo as Kardinalpreester mit de Titelkark Sacro Cuore di Gesù agonizzante a Vitinia in da Kardinalskollegium upnommen.
He weer Präsident vun de Indische Bischopskonferenz.
Kardinal Toppo hett an dat Konklave 2005 deelnommen, bi dat Benedikt XVI. to’n Paapst wählt wurr un ok 2013 weer he mit dorbi, as Paapst Franziskus wählt wurr.
Paapst Franziskus hett an’n 24. Juni 2018 sien Rückträe wegen Öller annommen.
Fievt Marianisches Dogma De Kardinal hett Paapst Benedikt XVI. 2008 dorum beeden, en fievt Marianisches Dogma över Maria as Miterlöserin intoführen. So en Verkloren würr dat Nicht-Katholiken lichter maaken, de Modergottes to verstahn. Stöhn kreeg he dör Kardinal Luis Aponte Martínez, emeriteert Arzbischop vun San Juan, Puerto Rico; Kardinal Varkey Vithayathil, Arzbischop vun Ernakulam-Angamaly, Indien; Kardinal Riccardo Vidal, Arzbischop vun Cebu, Philippinen, un Kardinal Ernesto Corripio y Ahumada, emeriteert Arzbischop vun Mexiko-Stadt. So en Dogma würr in’n interreligiösen Dialog mit den Muslimen helpen, denen Maria dör den Koran vertroot is. Se gellt dor as „größte aller Frauen, ohne Sünde und jungfräulich“.
Liddmaatschapen Telesphore Placidus Kardinal Toppo weer Liddmaat vun de folgend Institutschonen vun de röömsch Kurie: Kongregatschoon för de Evangeliseeren vun de Völker (af 2003) Päpstlicher Raat för den Interreligiösen Dialog (af 2003) Päpstlicher Raat för de Kultur (siet 2009) Kardinalskommission vun dat Istituto per le Opere di Religione (af 2013)
Weblinks Indrag up catholic-hierarchy.org Biografische Notiz (engelsch) Indrag in In: Salvador Miranda: The Cardinals of the Holy Roman Church. (Website vun de Florida International University, engelsch)
Enkeld Nahwiesen
Kategorie:Mann Kategorie:Börger von Indien Kategorie:Boren 1939 Kategorie:Storven 2023 Kategorie:Bischop Kategorie:Arzbischop Kategorie:Kardinal