De Weltbank () betekent in’n wieden Sinne de Weltbankgruppe, ene UN-Sunnerorganisatschoon, de in de US-amerikaansche Höövdstad Washington, D.C. sitt un ene Bank för Uphülpe in upwassen Staten is. Na den Tweden Weltkrieg hadde de Weltbank eerst de Upgave de Staten, de de Krieg verwööst hadde Stütt to geven.
De Weltbankgruppe sett sik uut fiev Organisatschonen tohope, de den Recht na egenstännig sind:
, IBRD; de Weltbank in’n engen Sinn (IDA) (IFC) (MIGA) (ICSID)
De Organisatschonen in de Weltbankgruppe verbind een gemeensam Präsident un deelwiese ene gemeensame Adminstratschoon.
Unnerschede to’n Internatschonalen Geldfonds De Weltbank is wat anners as de Internatschonale Geldfonds (IGF), ook wenn bede Institutschonen in de glieken Tied upkemen un den Sitt in Washington D.C. hebbet. Heel simple kann een seggen: De Weltbankgruppe stellt dat Geld för Uphülpe un Upbu in upwassen Länder up lange Sicht praat. De Internatschonale Geldfonds stellt Länner Geld för korte Tied praat, wenn se Problemen hebbet Uutgaven to talen. De Underscheed is vandage man minner klaar, denn de IGF het ook anfungen Kredite för Uphölp un Upbu up lange Sicht praattostellen.
Gemeensame Upgaven De gemeesame Upgave för de Institutschonen van de Weltbank is med finantschlle Hülpe, Raad un technische Hülpe de Weertschop in den Staten, de Maten sind, vöran to bringen un internatschoonal ranwassen Länner uptohülpen. De Weltbankgruppe het 2008 38,2 Milliarden US-Dollar Lehnen, Toschööt, Bihülpe, Bate, Andele, Investitschonen un Garantien an de Maten un ook an private Investers uutgeven.
Dat maket de Bank med Lehnen up lange Tied oder ook med tinsfriegen langfristigen Krediten för Investitschoonsprojekte, Reformprogramms, technische Hülpe un vandage ook indem dat se de privaat Weerdschop hülpt un Andele bi Firmen het oder Garantien övernimt.
De Weltbank bringt eenmaal dat Jaar den () ruut, de sik med enen Thema befaat, dat för de akutelle Diskuschoon ümme Uphülpe wichtig is. In sienen detailrieken Analysen faat de Bericht nich bloot de Diskusschoon tohope, man stött de internatschonale Debatte an, wat wichtig för den weltwiedern Verloop in de Weerdschop is.
Präsidenten van de Weltbankgruppe PräsidentStaatvanbetEugene Meyer19461946John Jay McCloy19471949Eugene Robert Black19491962George D. Woods19631968Robert McNamara19681981Alden W. Clausen19811986Barber B. Conable19861991Lewis T. Preston19911995James Wolfensohn / 19952005Paul Wolfowitz20052007Robert Zoellick20072012Jim Yong Kim /20122019Kristalina Georgiewa2019(kommissarisch)David Malpass20192023Ajay Banga /2023amtierend
Liste van de Chefökonomen PräsidentStaatvanbetHollis B. Chenery19721982Anne O. Krueger19821986Stanley Fischer19881990Lawrence Summers19911993Michael Bruno19931996Joseph E. Stiglitz19972000Nicholas Stern20002003François Bourguignon20032007Justin Yifu Lin20082012Kaushik Basu20122016Paul Romer20162018Pinelopi Goldberg /20182020
Stemmrechtreform De Stemmrecht sind na Andeelsegendom verdeelt. 2010 gav dat ene Reform, de de Stemmrechtee anners wicht. So kregen besunners junge Industrielänner as China Inflood. De Länner, de med düsse „Voice Reform – Phase 2“ Stemmrechte winnen konnen weren ookSüüdkorea, de Törkie, Mexiko, Singapur, Grekenenland, Bruunsilien, Indien, un Spanien. De Stemmandeel för de meesten Industriestaten worde minder, Nigeria, USA, Russland un Saudi-Arabien bleven bi de lieke Taal Stemmrechten. 2020 hebbet de USA (15,69 % – 2019: 15,48 %) den gröttsten Deel Stemmrechte, denn folgt Japan (7,62 % – 2019: 7,79 %), China (5,17 % – 2019: 4,80 %), Düütschland (4,17 % – 2019: 4,09 %), dat Vereenigte Köningriek(3,87 % – 2019: 3,81 %) un Frankrik (3,87 % – 2019: 3,81 %).
Maten De Weltbank-Gruppe höört 189 Staten to. Alleen fiev Staten sind kene Maten. Dat sind:
Literatuur
Axel Dreher: Die Kreditvergabe von IWF und Weltbank: Ursachen und Wirkungen aus politisch-ökonomischer Sicht. wvb Berlin, Berlin 2003, ISBN 3-936846-54-5. Cord Twele: Die Entwicklungspolitik der Weltbank-Gruppe vor dem Hintergrund der Schuldenkrise der »Dritten Welt« seit Beginn der achtziger Jahre. Frankfort an’n Main 1995. John B. Cobb Jr.: The earthist challenge to economism – a theological critique of the World Bank. St. Martin’s Press, New York 1999, ISBN 0-312-21838-9. Eric Toussaint: The World Bank: A Critical History, Pluto Press, London 2023
Nettverwiese
Offitschelle Webstede van de Weltbank (englelsch, spaansch, franzöössch, araabsch, chineesch) Worldbank Data Catalog (engelsch) Grafik: The World Bank: Stimmenverteilung (Stand: Juni/März 2017), uut: Zahlen und Fakten: Globalisierung, www.bpb.de (hoogdüütsch) Internationales Netzwerk investigativer Journalisten (ICIJ): Evicted and Abandoned: The World Bank’s Broken Promise to the Poor (engelsch)
Nawiese Kategorie:Internatschonale Organisatschoon Kategorie:Vereente Natschonen Kategorie:Weertschop Kategorie:Bank