320px|rechts|Eder 2023 in Oberhof
Simon Eder (* 23. Februar 1983 in Zell am See) is en öösterrieksch Biathlet. Nah Erfolgen in‘n Juniorenberiek start he siet Midden vun de 2000er Johren in’n Weltcup un kunn dor 2009 sien eerst Rennen winnen. He weer mehrmals ünner de best Teihn vun de Weltcupgesamtwertung un wunn söben Medaillen bi Weltmeesterschapen un Olympisch Spelen, fief dorvan mit de Staffel.
Sportlich Loopbahn Anfänge un Erfolge in‘n Juniorenberiek (bit 2004) Simon Eder stammt ut Saalfelden un keem över sien Vader, den Weltcupsieger un sössmaligen Olympiadeelnehmer Alfred Eder, fröh mit den Biathlonsport in Kuntakt.Silke Burgsteiner: Ein Leben für den Biathlon-Sport. In: Platzhirsch. März 2018, S. 10–12. Sandra Flunger – di Nichte vun Alfred Eder un Cousine vun Simon Eder as ok latere ÖSV-Fruentrainerin – geev an, se harr mit Simon de Wettkämpe vun Alfred Eder in’n Gorden mit en Holtgewehr nahstellt. Alfred Eder hett sien Söhn över en Grootdeel vun de sien Loopbahn betrüt; tonächst in’n Nachwuchsberiek, van 2005 bit 2012 as Biathlon-Cheftrainer in’n Öösterrieksch Skiverband (ÖSV), later as privater Övensleiter.Henriette Werner: "Viele Punkte gehören geändert" up laola1.at, 16. Februar 2014. Siet 1998 hörrt de för den HSV Saalfelden startend Simon Eder as Kaderathlet den ÖSV an.Steckbrief vun Simon Eder up oesv.at, afropen an’n 19. Mai 2020.
Mit 18 Johren wunn Eder bi de Biathlon-Juniorenweltmeesterschapen 2002 de Goldmedaille in dat 15-Kilometer-Eenzelrennen vör de tiegtglieker Michael Rösch un Artjom Jakowlewitsch Gussew. Eder hett bi 20 Schööt 19 mal drapen un wurr to’n eersten öösterriekschen Juniorenweltmeieter.Biathlon: Erstmals Gold für Österreich bei Junioren-WM. In: Der Standard. 2. Februar 2002. Bit to dat Enn’n vun sien Juniorentiet 2004 hett he in sien Öllersklass wiedere Medaille bi Welt- un Europameesterschapen – dorünner den EM-Titel 2003 in‘n Sprint – haalt un hett mehrere Rennen in’n Junioren-Europacup up sien Naam schreeven. Todem kreeg he in’n Januar 2003 bi den Sprint vun Ruhpolding sien eersten Insatz in‘n Biathlon-Weltcup (dat Rennen muss he aber wegeb Feever upgevenChristoph Nister: „Wie Phoenix aus der Asche“. In: Kronen Zeitung. 12. Januar 2019.) un stunn in‘n Dezember 2003 as Dart in Obertilliach eerstmals up dat Podium vun en Europacup in’n Utwussenberiek.
Verzögert Upstieg in de Weltcupmannschap (2004 bit 2009) mini|links|Simon Eder bi Blinkfestivalen 2009 In’n Rückblick hett Eder seggt, in de Johren van 2004 bit 2006 to völ traineert to hemm un weer „in eine Art Burnout gerutscht“.Christoph Nister: Simon Eder: "Ich war respektlos" up laola1.at. 11. März 2015, afropen an’n 19. Mai 2020. He harr gau Ansluss an de Leistungen vun de Weltcupmannschap herstellen wullt un dat harr de Instellung vörherrscht, dat vör allen hart Training to Spood führen dee.Mit der neuen Munition wieder gut in Schuss. In: Kurier. 8. Dezember 2017, S. 16. Afropen via PressReader. „Das Problem war, dass du dir als junger Sportler denkst und auch jeder dir sagt: Du musst trainieren. Es war einfach eine andere Zeit. Damals war man noch der Meinung: Wer am härtesten trainiert, der ist auch der Erfolgreichste.“ Di Saison 2006/07 is he nah vun Dokters vörslahn twee Maand düern Trainingspause up sien „Grundniveau“ angahn. In dissen Winter keem Eder in sien teihnt Weltcuprennen, en Sprint in dat heimisch Hochfilzen, as 22. to’n eersten Mal in die Punkteränge. Todem qualifizeer he sück för de Weltmeesterschapen 2007 in Antholz, bi de he in dat Eenzel 68. wurr un mit de öösterrieksch Staffel um Daniel Mesotitsch, Friedrich Pinter un Christoph Sumann Rang söss recken dee.
Af de Weltcupsaison 2007/08 tell Eder düersam to de öösterrieksch WeltcupmannschapTo Anfang vun den Winter 2007/08 wurr Eder noch in‘n A-Kader vun den ÖSV führt un somit nich in de höhgergestellt Natschonalmannschap, de he eerst af 2008 nhörrn dee, vgl. Die nordischen ÖSV-Kader 2007/08 (In: Wiener Zeitung. 7. Mai 2007) un Biathlon-Nationalkader Österreichs bekanntgegeben (up biathlon-online.de, van’n 10. Mai 2008). un hett sück dorin as en vun de starksten Athleten fastsett: 2008 weer he nah mehreren Top-Ten-Ergevnissen 18. vun den Weltcup-Gesamtwertung un somit achter Friedrich Pinter tweetbest Öösterrieker. In dat Folgejohr reck he den 12. Rang in’n Gesamtweltcup un leep in Eenzelrennen ok mehrfack up dat Podest. Eerstmals gelung hüm dat in de Verfolgung vun Antholz in’n Januar 2009, bi de he sück mit en fehlerfree Scheeten vun den 19. Rang in‘n Sprint up Platz 2 achter Björn Ferry verbeter. Kört nahdem he bi de Weltmeesterschapen 2009 mit de Staffel de Sülvermedaille wunnen harr, belegg he in’n März in Trondheim an en Rennweekenenn’n en darten un twee tweete Plätze (jewiels achter Ole Einar Bjørndalen). Bi den Saisonafsluss in Chanty-Mansijsk bleev Eder in‘n Massenstart as eenzig vun de 30 Deelnehmer ahn Fehler un wunn sien eerst Weltcuprennen vör Dominik Landertinger un Bjørndalen.
Besünner Upmarksomkeit kreeg Eder dör sien Scheetinlagen, de 2009 dörsnittlich 18 bit 19 Sekunnen düürn dee, dormit tietwies de flinksten in’n Weltcup weernDas Leben ist eine schwarze Scheibe. In: Kleine Zeitung. 10. Dezember 2009, S. 63. Afropen via PressReader. un hüm – in Anlehnen an den Comichelden, de „schneller als sein eigener Schatten“ zieht – den Ökelnaam Lucky Luke inbroch. Eder seech sück in de Traditschoon vun Athleten as Raphaël Poirée un Michael Rösch, de den Trend „weg von größtmöglicher Sicherheit und hin zu kalkuliertem Risiko“ mitbegrünnnd harrn.Giulio Gasparin: Alles mit links. In: Biathlonworld. Nummer 48/2018, S. 84–87. Tonächst leeg sien Drapensquote över de Saison sehn bi etwa 80 % wat ehrder dörsnittlich weer.Viktoria Franke: Simon Eder im Interview: "So ein guter Schütze bin ich gar nicht" up biathlon-online.de. 5. September 2009, afropen an’n 19. Mai 2020. „Wobei ich sagen muss, dass ich dieses Bild des fehlerfreien Schützen, das die Medien von mir haben, eigentlich gar nicht verstehen kann. Meine Trefferquote im letzten Jahr war nur bei 80 %, […]“ In’n wiederen Verloop vun sien Loopbahn kunn he de aber up bit to 91 % stiegern, wobi he tüschendör (in de Saison 2018/19) de sekerste Schütte in’n gesamten Weltcup weer.IBU Biathlon Guide 2019/20, S. 374–375.
Fastsetten in de internatschonalen Spitze un olympische Staffelmedaillen (2009 bit 2016) Anfungen mit den 12. Platz 2009 reck Eder negen Winter in Reeg Resultate tüschen den 5. un den 15. Rang in‘n Gesamtweltcup, mit Utnahm vun de Saison 2011/12, in de he mehrere Wettkämpe verpassen dee un up Rang 34 keem. In disse Johren leep he beständig up Punkteränge in Eenzel-Weltcuprennen un kreeg 2015 vun Sieden vun de Sportwebsite laola1.at de Toschrieven as „große Konstante“ in dat öösterrieksch Team. 2014 un 2016 fier Eder twee wiedere Eenzel-Weltcupsiege, de he beid in de Verfolgung halen dee, jewiels vun den sössten Platz in’n Sprint kommend: In‘ März 2014 in Oslo hett he all 20 Schieven drapen un wunn mit 20,7 Sekunnen Vörsprung up Björn Ferry; knapp twee Johr later – in‘n Januar 2016 in Ruhpolding – bleev he as eenzig Athlet ut en fief Mann stark Führungsgrupp Martin Fourcade un Johannes Thingnes Bø in dat letzt Scheeten ahn Fehler un wunn vör Fourcade.Simon Eder triumphiert in Ruhpolding. In: Der Standard. 9. Januar 2016. Dorto keemen över de Johren wiedere Podiumsergevnisse, insbesünnere ok bi de Weltmeesterschapen 2016 in Oslo, bi de Eder in dat 20-Kilometer-Eenzelrennen as ok Dominik Landertinger kien Fehler scheeten dee un achter Martin Fourcade un sien Teamkolleeg Landertinger de Bronzemedaille wunn.
Gemeensam mit Daniel Mesotitsch, Dominik Landertinger un (bit to de sien Rückträe 2014) Christoph Sumann weer Eder bi Grootereignissen dörgahns Liddmaat vun de ÖSV-Staffel, bit 2013 meestens as Startlöper, dornah wesseln de Positschonen. De Mannschap wunn in disse Konstellatschoon in dat olympisch Staffelrennen 2010 vun Vancouver de Sülvermedaille un veer Johr later in Sotschi Bronze. Nah en veerjohrig Paus wunnen de Öödsterrieker in’n Januar 2014 in Ruhpolding todem weer en in en Staffel-Weltcuprennen, wobi de an Positschoon dree loopend Eder de Mannschap mit en „schnelle[n], makellose[n] Stehend-Serie“ in Führung brachte.Biathlon: Herren-Staffel gewinnt in Ruhpolding. In: Die Presse. 9. Januar 2014.
Training mit de Biathlonschmiede un Rückkehr to’n ÖSV (siet 2016) mini|links|Eder bi dat Stahndscheeten (hier 2020 in Oberhof)
All in de Vörbereitung up de Saison 2015/16 traineer Eder trennt vun de Trainingsgrupp vun de Mannlüüd un stattdessen gemeensam mit de vun sien Cousine Sandra Flunger betrüeten ÖSV-Fruen. He hett dat mit de hooch Konkurrenzsituatschoon in dat leistungsstark Mannlüüdteam begrünnd, de dorto führen dee, dat man all in de Vörbereitung de eegen Grenzen övertreeden dee un nich de individuell optimale Trainingsintensität verfolg dee.Christoph Nister: Neue Helden braucht das Land up laola1.at. 4. Dezember 2015, afropen an’n 20. Mai 2020. Todem seech he in Flunger neben sien Vader – de sien Stellung as Cheftrainer 2012 verloren harr – as wichtigste Bezugsperson an.Training mit den Frauen beflügelte Eder. In: Salzburger Nachrichten. 11. Januar 2016, S. 19. Afropen via PressReader. 2016 hett sück Flunger vun den ÖSV trennt un övernehm gemeensam mit Alfred Eder bit 2018 de Leitung vun de vun den Skiverband unafhängigen Trainingsgrupp Biathlonschmiede, de sück mehrere Athleten ansluuten deen, dorünner Simon Eder as eenzig Mann.Abseits des ÖSV-Mainstreams. sportv2.orf.at. 7. Februar 2017, afropen an’n 18. Mai 2020. Bi de Heim-Weltmeesterschapen 2017 in Hochfilzen wunn Eder de eenzige öösterrieksch Eenzelmedaille: In’n Massenstart bleev he ahn Scheetfehler un keem up den darten Platz achter Simon Schempp un Johannes Thingnes Bø, de hüm up de Slussrunn överhalen deen. Todem reck he mit de Staffel an de Siet vun Daniel Mesotitsch, Julian Eberhard un Dominik Landertinger ebenfalls Bronze. In’n Weltcup wunn Eder gemeensam mit Lisa Hauser twee Rennen in de Single-Mixed-Staffel, in‘n März 2017 in Kontiolahti as ok in’n November 2017 in Östersund.