rechts|duum|Jakob Fuglsang (2017) Jakob Diemer Fuglsang (* 22. März 1985 in Genf) is en ehmalg däänsch Radrennfohrer.
Loopbahn Jakob Fuglsang weer tonächst in’n Mountainbikesport aktiv. 2006 wurr he däänsch Meester in’n Cross County un 2008 in’n Mountainbike-Marathon. Bi de Mountainbike-Weltmeesterschapen 2007 in Fort William wurr he Sieger in de U-23-Klass.
Nahdem Fuglsang up de Straat Enn‘n 2008 as Stagiaire för dat Team CSC-Saxo Bank fohren weer, för dat he 2008 de Däänmark-Rundfohrt wunnen harr, hett he sück af 2009 ganz up den Straatenradsport konzentreert. He bleev van 2009 bit to’n Afloop vun de Saison 2010 regulär Liddmaat vun dit UCI ProTeams, bevör he 2011 to’n RadioShack-Nissan wesseln dee. 2009 un 2010 hett he de Däänmark Rundfohrt nochmals wunnen.
Fuglsang wunn 2012 de Gesamtwertung vun de Luxemburg-Rundfohrt un wurr ansluutend bi de Tour de Suisse Dart. Ansluutend wurr he däänsch Tietfohrmeester. He wurr denn aber trotz disse goot Ergevnisse vun sien Team nich för de Tour de France upstelltradsport-news.com vom 19. Juni 2012: Fuglsang enttäuscht über Nicht-Berücksichtigung für die Tour un hett stattdessen de Öösterriek-Rundfohrt bestreeden, bi de he de Gesamtwertung un een Deelstreck winnen dee.
2013 is Fuglsang to dat Astana Pro Team wesselt un keem dor in sien eerst Johr up den Gesamtrang 7 vun de Tour de France. Bi de Olympisch Spelen 2016 wunn he de Sülvermedaille in dat Straatenrennen un wurr dorbi in’n Sprint vun en dreeköppig Spitzengrupp blots vun Greg Van Avermaet slahn.
2017 wunn Fuglsang de Gesamtwertung vun dat Critérium du Dauphiné, worbi twee Deelstreckensieger bi disse Rundfohrt mit bidragen hemm. De Tour de France muss Fuglsang nah de 13. Deelstreck upgevenb, Wiels de 11. Deelstreck harr he sück bi en Stört twee Bröök in den linken Arm totrucken. Fuglsang bricht TDF ab, cyclingnews.com; Afropen an’n 15. Juli 2017 (engelsch)
In de Saison 2019 weer Fuglsang bi de Fröhjohrsklassiker spoodriek: He wurr Dart bi dat Amstel Gold Race, nahdem he mit sien Fluchtbegleider Julian Alaphilippe sück nich eenig wurrn un kört vör dat Teel inhaalt wurrn weern. Alaphilippe hett hüm denn in’n Sprint an’n Teelhang vun den ansluutend Fleche Wallone. Sluutend wunn he bi Lüttich–Bastogne–Lüttich nah een Solofohrt up de letzt Kilometern. Nahdem he ok de Gesamtwertung vun dat Critérium du Dauphiné wunnen harr, gull he as een vun de Favoriten för de Tour de France, muss de Rundfohrt aber up de 16. Deelstreck nah en Stört mit swoor Prellungen upgeven.
Fuglsang wurr in’n Februar 2020 verdächtigt, verbodenerwies Kuntakt to den Mediziner Michele Ferrari to ünnerhollen, de wegen Dopingvergaav sparrt weer. Man harr dör Indiskretschonen den Report vun de Cycling Antidoping Foundation (CADF) an de Apenlichkeit stüert. Dat harr hüm en Sparr vun bi to twee Johren inbrocht. De CADF hett aber kört dorup bekannt geven, dat nich noog Bewiesen för dat Inleiden vun en Disziplinarvervohren vörliggen deen.
In‘n August 2020 wunn Fuglsang mit de Lombardei-Rundfohrt nah en Anträe an de letzt Anstieg sien tweeten Klassiker vör George Bennet un Alexander Wlassow.
2025 hett he sien Loopbahn afslooten.
Erfolge mini|rechts|Jakob Fuglsang bi Paris-Nizza 2017 mini|rechts|Jakob Fuglsang bi de Däänmark-Runfohrt 2009 2002 20px Däänsch Meester – Cross Country (Junioren)
2003 20px Däänsch Meester – Cross Country (Junioren)
2006 20px Däänsch Meester – Cross Country
2007 20px Weltmeester – Cross Country (U23) 20px Däänsch Meester – Mountainbike-Marathon
2008 Gesamtwertung Däänmark-Rundfohrt
2009 Gesamtwertung un een Deelstreck Slowenien-Rundfohrt Gesamtwertung un een Deelstreck Däänmark-Rundfohrt
2010 20px Däänsch Meester – Eenzeltietfohren]] Gesamtwertung Däänmark-Rundfohrt
2011 een Deelstreck Däänmark-Rundfohrt Mannschapstietfohren Vuelta a España
2012 Gesamtwertung Luxemburg-Rundfohrt 20px Däänsch Meester – Eenzeltietfohren]] Gesamtwertung un een Deelstreck Öösterriek-Rundfohrt 2013 Mannschapstietfohren Vuelta a España
2016 Mannschapstietfohren Giro del Trentino 16px|Sülver Olympisch Spelen – Straatenrennen
2017 Gesamtwertung un twee Deelstrecken Critérium du Dauphiné een Deelstreck Tour of Almaty
2018 een Deelstreck Tour de Romandie
2019 Bargwertung Murcia-Rundfohrt Gesamtwertung Andalusien-Rundfohrt een Deelstreck Tirreno–Adriatico Lüttich-Bastogne-Lüttich Gesamtwertung Critérium du Dauphiné een Deelstreck un Mannschapstietfohren Vuelta a España
2020 Gesamtwertung, twee Deelstrecken, Kombinatschonswertung un Punktewertung Andalusien-Rundfohrt Lombardei-Rundfohrt
2022 Mercan'Tour Classic Alpes-Maritimes
Enkeld Nahwiesen
Weblinks
Offizielle Website Jakob Fuglsang in de Datenbank vun Radsportseiten.net
Kategorie:Mann Kategorie:Börger von Däänmark Kategorie:Boren 1985 Kategorie:Radrennfohrer (Däänmark) Kategorie:Olympiadeelnehmer (Däänmark)