John Wayne Gacy

duum|Polizeifoto van John Wayne Gacy in’n Dezember 1978. John Wayne Gacy (* 17. März 1942 in Chicago; † 10. Meu 1994 in Crest Hill, Illinois) was eun US-amerikaansken Serienmöörder un Sexuaalverbreker, deu in den Joren 1972 bet 1978 binnen eune Vöörstad van Chicago teomindsten 33 junge Männer un Teenagers missbriuke, püinige un moorde. Süine Uptrede os „Pogo“ oder „Patches de Clown“, maken enne, os süine Verbreken vöördage keumen, auk os de „Killer-Clown“ bekand.

Gacy begung olle süine Moorde binnen süinen Hiuse in’r Norwood Park Township, eune Vöörstad van Chicago. Meusttüids locke heu de Offers in süin Hius, spille eunen Täuvertrick vöör un beküre de Offers seo Üisens ümme de Hänne anteoleggen. Heu schänne un foltere süine fesseld Offers denn un wörge oder sticke ünen upletst daud. Sessuntwintig Offers verbuddele heu in den Kriupkkeller unner süinen Hiuse, dreu kiule heu up süinen Grundstücke in un veur Offers smeit heu in den Des Plaines River, eunen Streom in’n Westen van Chicago in Illinois.

Gacy was ol süid 1968 wegen Untucht med eunen 15 Jore aulen Teenager vöörbestrafft. Van den teggen Joren Straffe satt heu man eun un eun halve Joor af. Süin eurst Offer moorde heu 1972, hadde 1975 ol tweu annere Offers ümmebrocht un moorde noch teomindsten 30 annere Offers, nodem Gacy un süine tweude Friu sik 1976 schieden hadden. De Soike no den verswunnen Teenager Robert Piest iut Des Plaines, lllinois brochte de Spoor up Gacy, den de Polizei den 21. Dezember 1978 fastnamm.

Gacy worde den 13. März 1980 teo’n Daude veroordeuld. Heu starv den 10. Meu 1994 in den Stateville Correctional Center in Crest Hill, Illinois döör de Giftsprütte.

Lieven

Kinner- un Jüügdtüid John Wayne Gacy worde den 17. März 1942 in’n Edgewater Hospital in Chicago, Illinois boren.Clifford L. Linedecker: The man who killed boys. St. Martin’s Press, New York 1980, S.11. Heu was dat tweude van dreu Kinnern un de eunige Sune van John Stanley Gacy, van den de Öllern poolske Inwannerte weuren un Marion Elaine Gacy, deu däänske Vööröllern hadde.John Wayne Gacy: Deadly Clown. In: Laura Forman (Ed.): Time-Life Books, Alexandria, Virginia 1992, S. 51.Clifford L. Linedecker: The man who killed boys. St. Martin’s Press, New York 1980, S.16f. Süin Vadder was Mechaniker un süine Modder was Hiusfriu. Gacy hadde eune enge Verbunnenheud med süine Modder, man de slechte Betog teo süinen strengen, gewalddädigen un alkoholafhängigen Vadder med haugen Ansproike an süinen Sune överschadde de Kinnertüid van Gacy.Clifford L. Linedecker: The man who killed boys. St. Martin’s Press, New York 1980, S.19.Terry Sullivan, Peter T. Maiken: Killer Clown: The John Wayne Gacy Muders. Pinnacle Books, New York 1983, S. 256f.

Gacy was eun teo sworen os auk unsportlik Kind un gull för dräumsk un unbehelpsk. Süid Kinnerdagen hadde Gacy Probleume med den Härten un leid regelmotig an Oonmachtsanfällen. Süin Vadder beschüllige süinen Sune süine Krankheuen för Upmärksomkeud vöörteospillen.Laura Foreman: Serial Killers: True Crime. Time-Life Books. Alexandria, Virginia 1992, S. 54. Gacy besochte bet teo süine elvten Lievensjore eune katholske Scheole un gung no den Ümtog van de Famüilje up eune stootlike Scheole. Gacy wessele läter veur mool de High School un brauk de Scheole in’n letsten Jore sunner High School Diploma af.Clifford L. Linedecker: The man who killed boys. St. Martin’s Press, New York 1980, S.17-19.

1960 in’n Öller van 18 Joren begunn Gacy sik in’r Politik teo engageuren un arbeude precint captain (Waalkreusleudsmann) för eunen lokalen Kandidaten van’r Demokraatsken Parteu. Süin Vadder was med düssen Engagement aflsiut nich övereun püinige süinen Sune noch stärker. Gacy was sik läter vermeoden, dat de Grund vör süin Engangement in’r Politik süin Wunsk no Akzeptanz was.Tim Cahill: Buried Dreams: Inside the Mind of a Serial Killer. Bantam Books, New York 1986, S. 36-37.

In’n April 1962 gung Gacy van Teohiuse weg no Las Vegas, Nevada. Heu hoppe büi eune Cousine unner teo kumen. Gacy fund eurst büi den Naudhelpdeunst van’r Stad Arbeud un läter büi den Begrävnisinstituut Palm Mortuary, wo heu up eunen Feldbedde in den Begrävnisinstituut sleup.Brad Hunter: Inside the Mind of John Wanye Gacy: The Real-Life Killer Clown. Vereunigd Könningrüik 2022, S. 52. Gacy bichte läter, dat he teo düüse Tüid Lüiken in den Begrävnisinstituut .Terry Sullivan, Peter T. Maiken: Killer Clown: The John Wanye Gacy Murders. Pinnacle, New York 2000, S. 256-278.Tim Cahill: Buried Dreams: Inside the Mind of a Serial Killer. Bantam Books, New York 1986, S. 40-55.Tim Cahill: Buried Dreams: Inside the Mind of a Serial Killer. Bantam Books, New York 1986, S. 347. Gacy vertelle läter, dat heu in’n Palm Mortuary tweumool nekrophile Undaden begung un sik nich schüllig foile, den de Lüiken bekiek heu olleun os daude Dinger, deu nems wat vertellen könt.Tim Cahill: Buried Dreams: Inside the Mind of a Serial Killer. Bantam Books, New York 1986, S. 342-351.

Karriereanfänge

Springfield, Illinois No de Wedderkeer schreiv sik Gacy an den Northwestern Business College in. Os heu dat College teo Enne brocht hadde, arbeude heu van 1963 an för de Nunn-Bush Shoe Company.Clifford L. Linedecker: The Man Who Killed Boys: A True Story of Mass Murder in a Chicago Suburb. St. Martin’s Press, New York 1980, S. 18-28. 1964 versette de Firma enne no Springfield, Illinois door os Verkäuper teo arbeuden. In Springfield steig heu läter teo’n Manager up. In’n März 1964 verlove heu sik med Marlynn Myers, eune Kolleegske.

Gacy tradd 1964 in Springfield de lokale United States Junior Chamber, kort de „Jaycees“ , büi. Dat es Training vör junge Manager un eun mildgievern, wolldädig Vereun. Heu arbeude jümmer stiur weg för de Jaycees un stecke vill Engagement in den Vereun. Gacy vertelle, dat heu 1964 in Springfield eun van süinen eursten Mool homosexuellen Sex med eunen Kollegen van den Jaycees believe. Gacy berichte de Kollege hadde enne bedrunken oraal teofrieden steld.Murder In Mind. Bd. 11. London, Marshall Cavendish 1997, S. 7.

1965 was Gacy teo’n Vizepräsident van den Jaycees in Springfiel upstiegen. Auk in düt Joor teuken de Jaycees Gacy os drüdd besten Jaycee in Illinois iut.

Waterloo, Iowa In’n September 1964 früigge Gacy Marlynn Myers.Sam L. Amirante, Danny Broderick: John Wayne Gacy: Defending a Monster. Skyhorse, New York 2011, S.218-219. De Vadder van Myers kofte denn dreu Kentucky Fried Chicken-Restaurants in Waterloo, Iowa. De Eueluide sollen no Waterloo teun, dat Gacy de Restaurants managen konn.

No eunen verplicht Managementkurs tügen de Eueluide no Waterloo. Gacy make door in süinen Keller eunen „Club“ up. Hüir konnen süine Anstellden iut süine KFC-Restaurants drinken un Poolbillard spillen konnen. Gacy knüppe in den Club Kontakte teo de Teenagers un jungen Männer. Gacy dreigge villen van ünen Alkohol an, eur dat heu versochte ünen sexuell neiger teo kumen.

Gacys Friu brochte in’n Februar 1966 eunen Sune un in’n März 1967 eune Dochter up de Welt. Gacy beschreiv düsse Tüid läter os „perfekt“ — heu hadde sik upletst Lov van süinen Vadder verdeund. Up eunen Besoik 1966 dö süin Vadder Afbidde för den Missbriuk in’n Kinner- un Jüügdjoren.Tim Cahill: Buried Dreams: Inside the Mind of a Serial Killer. Bantam Books, New York 1986, S. 53-54.

In Waterloo tradd Gacy den lokalen Jaycees büi un engageure sik auk door jümmers stiur weg. Heu un annere Waterloo-Jaycees weuren deup in’r Swingerszene un in Prostitutscheon, Pornographie un Drogenbriuk verwickeld.Murder In Mind. Bd. 11. London, Marshall Cavendish 1997, S. 7.

Auk wenn Gacy för eergüirig un eunen Proler gelle, achten de anneren Jaycees enne haug un benoimen enne 1967 „oustanding vice-president“. Läter düt Joor wählen de Jaycees enne in den Vöörstand.Clifford L. Linedecker: The Man Who Killed Boys: A True Story of Mass Murder in a Chicago Suburb. St. Martin’s Press, New York 1980, S. 51.

Sexuell Missbriuk van Donald Voorhees In’n August 1967 missbriuke Gacy den 15 Jore aulen Donald Voorhees Jr., de Sune van den Lokaalpolitiker un Jaycee Donald E. Voorhees Sr. Gacy locke Voorhees med Sexfilmen no süinen Hiuse un beküre Voorhees sik beudersüids oraal teofrieden teo stellen.Tim Cahill: Buried Dreams: Inside the Mind of a Serial Killer. Bantam Books, New York 1986, S. 40-57. In’r teokumen Tüid missbriuke Gacy up düsse Oord auk annere Teenager, door mang eunen Jungen den heu eurst heu twang med süine Friu Sex teo hebben un denn aftwinge enne oraal teofrieden teo stellen.

In’n März 198 vertelle Voorhees süinen Vadder van den Missbiruk. Voorhees Sr. berichte den Missbriuk straks de Polizei, deu Gacy fastnamm un wegen Untucht anklage.Terry Sullivan, Peter T. Maiken: Killer Clown: The John Wanye Gacy Murders. Pinnacle, New York 2000, S. 265-266. Gacy streit de Anklage över un över af.Tim Cahill: Buried Dreams: Inside the Mind of a Serial Killer. Bantam Books, New York 1986, S. 65-72.

Gacy bleiv bestoon, dat Anklage eune politisk Motivatscheon hadde — Voorhees Sr. hadde sik tiegen de Nominatscheon van Gacy teo’n Präsident van den Jaycees in Iowa steld. Eunige Jaycees lövten de Geschichte van Gacy un unnerstütten enne. Man den 10. Meu 1968 döö dat Gericht doch Anklage wegen Untucht.

Den 30. August 1968 beküre Gacy eunen van süinen Anstellten, den 18 Jore aulen Russel Schroeder, Voorhees för Geld teo överfallen, dat heu nich vöör Gerichte iutseggen doit. Schroeder stimme teo un locke Voorhees in’n September 1968 in eunen Park afsüids, sprütte Voorhees Pöpperspray in de Augen un sleog enne daal.Michael Stone, Gary Brucato: The New Evil: Understanding the Emergende of Modern Violent Crime. Prometheus Books, New York 2019, S. 196-203. Voorhees konn flüchten un de Attacke büi de Polizei mellen. De Polizei namm Schroeder, deu eurst ollens afstreit, den anneren Dag fast. Läter gav heu teo, dat heu Voorhees in Updrag van Gacy angriepen hadde.

Den 12. September unnersöchten tweu Pychiater van’r Universiteut Iowa Gacy un stellen fast, dat Gacy eune antisotschale Persöönlikheud hadde un eune Thearpie enne woorschüinlik nich helpen könne.

Den 7. November 1968 begunn de Gerichtsprozess wegen Untucht. Gacy streit de Undaad man af un see drüist Voorhees hädde den Oraalsex sülvenst anboden. Den 3. Dezember veroordeule dat Gericht Gacy teo teggen Joren Haft. Up den sülven Dag brochte süine Friu Marlynn de Scheudklage in un verlange dat Hius, Unnerhold un dat Sorgerrecht för de Kinner. Dat Oordeul gung den 18. Spetember 1969 för de Friu van Gacy iut.Tim Cahill: Buried Dreams: Inside the Mind of a Serial Killer. Bantam Books, New York 1986, S. 85-96.Clifford L. Linedecker: The Man Who Killed Boys: A True Story of Mass Murder in a Chicago Suburb. St. Martin’s Press, New York 1980, S. 40. Gacy sach süine eurste Friu un Kinner iut eurste Eue süindage nich wedder.

Över süine Hafttüid in’n Anamosa State Penitentirary verdeune sik Gacy swanke de Reputascheon os vöörbildliken Insate. Binnen kort steig heu ol teo’n Kükenchef up un brochte verscheudene Projekte in’n Gange de Ümstänne in’r Haft teo verbettern. Wedderkeer na Chicago Gacy kamm ol den 18. Juni 1970 no eun un eunen halven Joor van eugentlik teggen Joren up Preove früi.Laura Foreman: Serial Killers: True Crime. Time-Life Books. Alexandria, Virginia 1992, S. 62-63. (binnennets)Clifford L. Linedecker: The Man Who Killed Boys: A True Story of Mass Murder in a Chicago Suburb. St. Martin’s Press, New York 1980, S. 47-72. Uplagen binnen de Preovetüid weuren, dat Gacy no süine Modder in Chicago teun un eune Iutgangssperre no Klocke 10 den Ovend befolgen moste.