thumb|Rathuus Altno Altno is en Bezirk vun de Free un Hansestadt Hamborg. Dat staatsche Rathuus Altno (Bezirksamt Hamborg-Altno) an't süden End vun'n Platz der Republik in Altno-Ooltstadt weer vör 1898 dat Ingangsgebüüd vun den freuhern Bahnhoff vun de Altona-Kieler Eisenbahn-Gesellschaft un steiht ünner Denkmaalschutz. In’n Noorden un Westen vun Altno is Sleswig-Holsteen, in’n Süden is de Elv und in’n Osten sünd de Bezirken Eimbüddel un Hamborg-Mitt.
To den Bezirk Altno höört veerteihn Stadtdelen: Altno-Ooltstadt, Altno-Noord, Bohrenfeld, Blanknees, Groot Flottbeek, Iserbrook, Lurup, Neensteden, Osdörp, Othmarschen, Ottensen, Rissen, Steernschanz un Sülldörp.
Altno hett 275.265 Inwohners (2019) un en Flach vun 77,9 km².statistik-nord.de: Regionaldaten für Altona
Historie De bedüdensten histoorschen Daten:
1535 dat eerste Maal in en Oorkunn nöömt 1640 Altno warrt däänsch 23. August 1664 Altno warrt en Stadt Vun 1867 bet 1937 hett Altno to’n Königriek Preußen tohöört De Stadtdelen Ottensen, Bohrenfeld, Neemöhlen, Övelgönn un de Elvvöröörd sünd na de Stadt Altno kamen. An’n 1. April 1938 is Altno to Hamborg kamen un Horborg un Wandsbeek ok. Dat keem 1937 dör dat Groot-Hamborg-Gesett, dat se dormaals mookt hebbt.
Footnoten
Kategorie:Bezirk Altno Kategorie:Oort